Sreeleela : తిరుమ‌ల‌లో శ్రీ‌లీల‌.. ప్ర‌సాదం అడిగితే ఏం చెప్పిందో చూడండి..!

Sreeleela : టాలీవుడ్ మోస్ట్ వాటెండ్ హీరోయిన్ అంటే అందరు ఠక్కన చెప్పే పేరు శ్రీలీల. ప్రస్తుతంఈ అమ్మ‌డు వ‌రుస సినిమాలు చేస్తూ సంద‌డి చేస్తుంది. యంగ్ హీరోల నుంచి సీనియర్ హీరోల వరకు చాలా సినిమాలు శ్రీలీల చేతిలో ఉన్నాయి. శ్రీలీల నటించిన సినిమాలు నెలకు ఒకటి విడుదల అవుతున్నాయంటే ఆమె ఎన్ని సినిమాల్లో నటిస్తుందో అర్థం చేసుకోవచ్చు.. శ్రీకాంత్ తనయుడు రోషన్ పెళ్లి సందడి సినిమాతో హీరోయిన్‌గా శ్రీలీల పరిచయం కాగా, ఈ సినిమా త‌ర్వాత ధ‌మాకా చేసింది. . ఈ సినిమా 100 కోట్లు కలెక్ట్ చేయడంతో.. దర్శక-నిర్మాతలందరూ శ్రీలీల వెంట పడ్డారు.భగవత్ కేసరి, ఆది కేశవ, ఉస్తాద్ భగత్ సింగ్, స్కంద, గుంటూరు కారం వంటి క్రేజీ ప్రాజెక్ట్స్ శ్రీలీల ఆ మధ్య హల్ చేసింది.ప్రస్తుతానికైతే టాలీవుడ్‌లో నెంబర్ స్థానం శ్రీలీలదే.

భక్త వల్లభుడు, కోరిన కోర్కెలు తీర్చే కోనేటి రాయుడు, అఖిలాండ బ్రహ్మాండ నాయకుడైన తిరుమల తిరుపతి ఏడుకొండల వాడిని శ్రీలీల కొద్దిసేపటి క్రితమే దర్శనం చేసుకుంది. నుదుటిన విష్ణు నామాలు పూసుకొని పూర్తి సాంప్రదాయ బద్దమైన రీతిలో స్వామిని దర్శించింది. అనంతరం బయటకి వచ్చిన శ్రీలీల ఒక భక్తుడి కోసం ప్రసాదం తీసుకొచ్చింది. నన్ను ప్రసాదం తీసుకురమ్మన్న వ్యక్తి ఎక్కడ అని అడిగింది. ఆ తర్వాత వేరే వ్యక్తి నాకు ఇవ్వండి మేడం అని తీసుకున్నాడు. ఇప్పుడు ఆ మాటల తాలూకు వీడియో హల్ చల్ చేస్తుంది.

ఆ తర్వాత అక్కడున్న మీడియాతో ముచ్చటించింది. తన మొదటి సినిమా పెళ్లి సందడి టైంలో తిరుమల వచ్చి స్వామి వారిని దర్శనం చేసుకున్నానని మళ్ళీ ఇన్నాళ్లకు వచ్చానని చెప్పింది. అలాగే చిన్నప్పటి నుంచి తిరుమలకి రావటం అలవాటని కూడా చెప్పింది. ఇక శ్రీలీల ని చూడటంతో చాలా మంది ఫోటోలు దిగడానికి ఎగబడ్డారు.లేటెస్ట్ గా గుంటూరు కారంతో మంచి హిట్ కొట్టిన శ్రీలీల వెంట ఆమె తల్లి కూడా ఏడుకొండల వాడిని దర్శనం చేసుకుంది.