Sreeleela : ఈ మ‌ధ్య సినిమాల ద్వారా కంటే సోషల్ మీడియా ద్వారానే ఎక్కువ మంది పాపులారిటీ ద‌క్కించుకుంటున్నారు .. ఇలా సోషల్ మీడియా ద్వారా పాపులారిటిని సంపాదించుకున్న వారిలో శ్రీలీల కూడా ఒక‌రు. ఈ అమ్మ‌డు సినిమాల‌తో పాటు సోషల్ మీడియా ద్వారా కూడా తెగ సంద‌డి చేస్తుంది. టాలీవుడ్ హీరోయిన్లలో ది బెస్ట్ డ్యాన్సర్ అని పేరు తెచ్చుకున్న శ్రీలీల. ఈ అమ్మ‌డు శేఖర్ కలిసి డ్యాన్స్ చేస్తే ఎలా ఉంటుందో ప్రత్యేకంగా చెప్పాల్సిన పని లేదు. తెర మీద శేఖర్ మాస్టర్ కంపోజ్ చేసే స్టెప్పులు శ్రీలీల వేస్తుంటుంది. కానీ శ్రీలీల, శేఖర్ మాస్టర్ కలిసి స్టెప్పులు వేస్తే ఎలా ఉంటుందో చూపించేశారు.
నితిన్ వక్కంతం వంశీ కాంబోలో సినిమా రాబోతోన్న సంగతి తెలిసిందే. ఎక్స్ ట్రా ఆర్డినరీ మెన్ అంటూ నితిన్ మరో ప్రయోగాన్ని చేస్తున్నాడు. నా పేరు సూర్య తరువాత వక్కంతం వంశీ చేస్తోన్న ప్రాజెక్ట్ కావడంతో అందరిలోనూ ఓ మంచి అంచనాలే ఉన్నాయి. ఇన్నాళ్లు కసి మీద ఉండి కథ, స్క్రిప్ట్‌ను రాసుకుని ఉంటాడని, ఈ సినిమా కచ్చితంగా హిట్ అవుతుందని అంతా అనుకుంటున్నారు. ఇటీవ‌ల ఈ మూవీ నుంచి ఫస్ట్ సింగిల్‌ను రిలీజ్ చేశారు. హారీస్ జయరాజ్ చాలా రోజుల తరువాత తెలుగు సినిమాకు సంగీతాన్ని అందించ‌గా ఆయ‌న పాట‌ల‌కి మంచి రెస్పాన్స్ వ‌స్తుంది.
డేంజర్ పిల్లా అంటూ సాగే ఈ పాట ఇప్పుడు యూట్యూబ్‌లో ట్రెండ్ అవుతోంది. షార్ట్స్, రీల్స్‌లోనూ ఈ పాట వైరల్ అవుతోంది. శేఖర్ మాస్టర్, శ్రీలీల కలిసి డేంజర్ పిల్ల పాటకు అదిరిపోయే స్టెప్పులేశారు.. ఇద్దరు కలిసి చేసిన ఈ రీల్… నెట్టింట వైరల్‌గా మారింది. ఈ సాంగ్ కోసం శేఖర్ మాస్టర్, శ్రీలీల చేసిన రచ్చ అంతా ఇంతా కాదు.. అసలే డాన్స్ లో ఇద్దరికి ఇద్దరు.. అనిపించారు. శేఖర్ మాస్టర్ లాంటి అద్భుతమైన ఎనర్జిటిక్ డాన్సర్ కు పోటీగా శ్రీలీల గ్రేస్ మూమెంట్స్‌తో అందరిని అకట్టుకుంది. శ్రీలీల మాస్టర్‌కు ఏమాత్రం తక్కువ కాకుండా.. తీసిపోకుండా చాలా స్టైల్‌‌గా చేస్తుంది. ఇక టాలీవుడ్ ఆడియన్స్ ఈ డాన్స్ కు ఫిదా అవుతున్నారు. కొందరైతే శేఖర్ మాస్టర్‌ను డామినేట్ చేశావ్ కదా అంటున్నారు.
