Sreeleela : శ్రీలీల.. ఈ ముద్దుగుమ్మ గురించి ప్ర‌త్యేకంగా చెప్ప‌న‌క్క‌ర్లేదు. తెలుగు రాష్ట్రాలలో ఇటీవ‌ల ఈ అమ్మడి పేరు బాగా వినిపిస్తుంది. వ‌రుస సినిమాలు చేస్తూ ఎంత‌గానో అల‌రిస్తుంది. దర్శకేంద్రుడు రాఘవేంద్రరావు దర్శకత్వ పర్యవేక్షణలో వచ్చిన పెళ్లి సందD సినిమాతో హీరోయిన్‌గా టాలీవుడ్ ఎంట్రీ ఇచ్చింది కన్నడ అందం శ్రీలీల. ఒకే సినిమాతో మంచి పాపులారిటీని తెచ్చుకుంది. ఆ తర్వాత శ్రీలీల రవితేజ సరసన ధమాకాలో నటించి మరో హిట్‌ను అందుకుంది. ఇక తాజాగా శ్రీలీల, అనిల్ రావిపూడి దర్శకత్వంలో వచ్చిన భగవంత్ కేసరిలో నటించి మరో బంపర్ హిట్‌ను అందుకుంది.
శ్రీలీల ప్రస్తుతం టాలీవుడ్’లో మారుమోగుతున్న పేరు. ఇటీవ‌లి కాలంలో రిలీజ్ అయ్యే ప్ర‌తి సినిమాలో శ్రీలీల న‌టిస్తుంది.. ఈ భామ ప్రస్తుతం ఓ పది సినిమాల్లో నటిస్తూ సూపర్ బిజీగా ఉంది. ధమాకా హిట్‌తో ఒక్కసారిగా ఫామ్‌లోకి వచ్చిన శ్రీలీల తెలుగులో మోస్ట్ వాంటెడ్ హీరోయిన్‌గా మారింది. కుర్ర హీరోల ఫేవరేట్ కోస్టార్‌గా మారింది. ఇక ఈ భామ నటించిన లేటెస్ట్ సినిమా భగవంత్ కేసరి.. ఈ అక్టోబర్ 19న భారీగా విడుదలై పాజిటివ్ టాక్ తెచ్చుకుంది. ‘భగవంత్ కేసరి’ చిత్రంలో విజ్జీ పాప పాత్రలో ఈ అమ్మడి అభినయానికి అంతటా ప్రశంసలు దక్కుతున్నాయి. మీడియా ఇంటర్వ్యూల సందర్భంగా చక్కటి సెన్సాఫ్‌ హ్యూమర్‌తో ఆకట్టుకునే ఈ అమ్మడు తెరపై లిప్‌లాక్‌ సన్నివేశాలపై తనదైన శైలిలో సమాధానమిచ్చింది.
లిప్‌లాక్‌ సీన్స్‌లో తాను అస్సలు నటించనని, ఈ విషయంలో రాజీపడనని స్పష్టం చేసింది. తన మొదటి లిప్‌లాక్‌ భర్తకే ఇస్తానని చెప్పుకొచ్చింది. కథల ఎంపికలో క్రమంగా తన ప్రాధాన్యతలు మారుతున్నాయని, నటిగా ప్రతిభను చాటుకునే పాత్రల కోసం ఎదురుచూస్తున్నానని పేర్కొంది. ఇక త్వ‌ర‌లో ఆదికేశవ చిత్రంతో ప‌ల‌క‌రించ‌నుండ‌గా, ఈ మూవీ ప్ర‌మోష‌న్‌లో భాగంగా పలువురు హీరోల గురించి ఆసక్తికర కామెంట్స్ చేసింది. ప‌వ‌న్ క‌ల్యాణ్ గురించి చైబుతూ డివైన్ అని పేర్కొంది. ఇక మ‌హేష్ బాబు స్వీటెస్ట్ అని తెలియ‌జేసింది. అలా పలువురు హీరోల గురించి ఆసక్తికర కామెంట్స్ చేసి హైలైట్ అయింది శ్రీలీల.
