Sreeleela : నందమూరి నటసింహం బాలకృష్ణ నటించిన చిత్రం భగవంత్ కేసరి. ఈరోజు విడుదలైన ఈ సినిమాకు బాలయ్య అభిమానులు ఫిదా అవుతున్నారు. సినిమాలో బాలయ్య కొత్తగా కనిపించారని, అనిల్ రావిపూడి ఈ సినిమాను భిన్నంగా తీశారని అంటున్నారు. భగవంత్ కేసరి సినిమా రిలీజ్ అయిన మొదటి షో నుంచి పాజిటివ్ రెస్పాన్స్ వస్తుంది. అంతే కాదు థియేటర్ల వద్ద జై బాలయ్య నినాదం మారుమ్రోగుతోంది. ఇక బాలయ్య మునుపెన్నడూ లేని విధంగా ఈ సినిమాలో నటించారు. ఇక ఈ సినిమాలో బాలయ్య తొలిసారిగా తెలంగాణ యాసలో మాట్లాడారు. ఇక ఆయన చెప్పిన డైలాగ్స్ కు థియేటర్లలో విజిల్స్ పడుతున్నాయి. తమన్ మ్యూజిక్ అఖండ రేంజులో లేదని అంటున్నారు.
విజ్జి పాప రోల్ లో శ్రీలీల ఇరగదీసిందని అంటున్నారు. థియేటర్లో త‌న పాత్రకి ఎలాంటి రెస్పాన్స్ వ‌స్తుందో చూడాల‌ని శ్రీలీల భ్ర‌మ‌రాంబ థియేట‌ర్‌కి వెళ్లింది. అక్క‌డ ప్రేక్ష‌కులు తెగ ఇబ్బంది పెట్టారు. అభిమానుల మ‌ధ్య నుండి ఎలాగోలా శ్రీలీల థియేట‌ర్‌కి వెళ్లి సినిమా చూసింది. మరోవైపు బాలయ్య చిన్న కూతురు తేజ‌స్విని ఆమె కొడుకులు సైతం భగవంత్ కేసరి చిత్రాన్ని థియేటర్లో చూశారు. థియేటర్లో సినిమా చూడ‌డం వారికి చాలా థ్రిల్ క‌లిగించింది. ఇక ఇదిలా ఉంటే విజ్జి పాప పాత్ర కోసం మొదట కృతి శెట్టిని అప్రోచ్ అయ్యారట అనిల్ రావిపూడి . అయితే కూతురు పాత్ర అంటూ సాగదీసి చేయను అంటూ హ్యాండ్ ఇచ్చిందని సోషల్ మీడియాలో వార్తలు వైరల్ అవుతున్నాయి. ఆ తర్వాత శ్రీలీలను ఈ పాత్రకు చూస్ చేసుకున్నారట మేకర్స్.
ఇక భగవంత్ కేసరి సినిమాకు ఫ్యాన్సీ ధర చెల్లించి అమెజాన్ ప్రైమ్ భగవంత్ కేసరి హక్కులు దక్కించుకున్నట్లు సమాచారం. అయితే ఈ సినిమా ఓ టి టి లోకి ఎప్పుడు వస్తుంది అని కూడా ప్రస్తుతం ఆసక్తికర చర్చ జరుగుతుంది. నేడు థియేటర్లో విడుదలైన ఈ సినిమా థియేటర్లో మూడు నాలుగు వారాలు నడిచిన తర్వాత ఓ టి టి లో స్ట్రీమింగ్ కు వచ్చే అవకాశం ఉందని భావిస్తున్నారు.
