శ్రీజ విడాకుల‌పై కొన్నాళ్లుగా వార్త‌లు.. తాజా పోస్ట్‌తో అంద‌రు షాక్..

చిరంజీవి చిన్న కూతురు శ్రీజ కొద్ది రోజులుగా వార్త‌ల‌లో నిలుస్తున్న విష‌యం తెలిసిందే. శ్రీజ కళ్యాణ్‌గా ఉన్న తన పేరుని శ్రీజ కొణిదెలగా మార్చుకోవడంతో విడాకుల రూమర్లు మరింతగా ఎక్కువయ్యాయి. ఈ ఇద్దరి మధ్య మనస్పర్థలు వచ్చాయని, వేర్వేరుగా ఉంటున్నారని, విడిపోయారంటూ వార్తలు వచ్చాయి. ఎప్పుడైతే శ్రీజ తన ఇన్ స్టా ఐడీని మార్చేసిందో ఈ రూమర్లు మరింత బలంగా ఊపందుకున్నాయి. శ్రీజ కళ్యాణ్ దేవ్‌ల మధ్య దూరం పెరిగిందని, మెగా ఫ్యామిలీతో కళ్యాణ్ దేవ్ బంధం తెగిపోయిందని చెప్పడానికి ఎన్నో కారణాలు చూపిస్తూ ప‌లు కామెంట్స్ చేస్తున్నారు నెటిజన్లు.

కళ్యాణ్ దేవ్‌ను ఇది వరకు అయితే శ్రీజ, నిహారిక వంటి వారు అంతా కూడా ఫాలో అయ్యేవారు. కానీ ఇప్పుడు వారు కళ్యాణ్ దేవ్‌ని అన్ ఫాలో చేశారు. దీన్ని కూడా ఓ ఆధారంగా చేసుకుని ఈ విడాకుల రూమర్లను వ్యాప్తి చేస్తున్నారు. మ‌రోవైపు కొంత కాలంగా శ్రీజ‌, క‌ళ్యాణ్ దేవ్‌లు త‌మ సోష‌ల్ మీడియాలో చేస్తున్న కొన్ని ఇన్‌డైరెక్ట్ కామెంట్స్ కూడా వీరి విడాకుల వ్య‌వ‌హారానికి సంబంధించి అంద‌రి దృష్టిని ఆక‌ర్షిస్తున్నాయి. న్యూ ఇయర్ సందర్భంగా.. ఈ ఏడాది కొత్త జీవితాన్ని ప్రారంభించబోతున్నాను అంటూ శ్రీజ చేసిన పోస్ట్ నెట్టింట హల్చల్ చేసింది. ఇక అలాగే.. ఐయామ్ లివింగ్ ది రిలేషన్ షిప్ విత్ సెల్ఫ్ అంటూ శ్రీజ చేసిన పోస్ట్ మరిన్న అనుమానాలకు తావిచ్చింది.

ఇదిలా ఉంటే.. తాజాగా ఆమె మరో ఆసక్తికర పోస్ట్ చేసింది. శ్రీజకు త‌న‌కు కాఫీ తాగే అలవాటు ఉన్నట్లు తెలిపింది. “నా అల్లరికి ప్రశాంతతను ఇచ్చేది నువ్వే. జీవితంలో వచ్చే చీకటికి వెలుగులు నువ్వే నింపావ్. నేను ఉదయం లేస్తున్నానంటే దానికి కారణం నువ్వే. 14 ఏళ్ల వయసులో నువ్వు పరిచయం అయ్యావ్. అప్పటి నుంచి నాతోనే ఉంటున్నావ్. థాంక్యూ మై డియర్ కాఫీ” అంటూ శ్రీజ రాసుకొచ్చింది. ప్ర‌స్తుతం ఈ పోస్ట్ వైర‌ల్‌గా మారింది. ఇక ఇటీవల మెగాస్టార్ చిరంజీవి నటించిన వాల్తేరు వీరయ్య సినిమా ప్రమోషనల్లో తన కుటుంబంతో కలిసి శ్రీజ కూడా కనిపించింది. అలాగే అభిమానులతో కలిసి తన అక్క సుష్మితతో కలిసి వాల్తేరు వీరయ్య చిత్రాన్ని వీక్షించి సంద‌డి చేసింది శ్రీజ‌.