ఎన్‌టీఆర్ రాజ‌కీయాల్లోకి వ‌చ్చింది.. ఆ మూవీ వ‌ల్లేనా..?

ఎన్టీఆర్‌.. ఈ మూడు అక్ష‌రాలు ఎంతో మంది ప్ర‌జ‌ల మ‌న‌సుల్లో చెర‌గ‌ని ముద్ర వేసుకున్నాయి. ఆయ‌న భారతదేశంలో వారందరికే కాక ప్రపంచంలోని తెలుగు వారందరికీ తెలుసు. అంతటి విశిష్ఠమైన వ్యక్తి ఎన్టీరామారావు. ఈ రోజున మనమంతా మాట్లాడుకుంటున్న ‘హీరోయిజం’ అనే పదానికి నిలువెత్తు నిదర్శనంగా నిలచిన తొలి చిత్రం ‘పాతాళభైరవి’ అనే చెప్పాలి. దర్శకుడు కేవీరెడ్డి సృజనకు అనువుగా ‘పాతాళభైరవి’లో తోటరాముడు పాత్రకు జీవం పోసిన ఘనత నందమూరి తారకరామునిదే. అలా జానపద కథానాయకుడంటే ఎన్టీఆర్ అనేలా నిలచిపోయారు. పౌరాణికం. సాంఘికం, జాన‌ప‌దం ఇలా ఎన్నో చిత్రాల‌లో న‌టించి మెప్పించారు ఎన్టీఆర్.

ఎన్టీఆర్ సినిమాల్లోనే కాదు రాజ‌కీయాల‌లోను త‌న‌దైన ముద్ర వేసుకున్నారు. అయితే ఎన్టీఆర్ రాకీయాల్లోకి రావడానికి ఆయనను ఒక్క సినిమా చాల ప్రభావితం చేసిందనే విష‌యం మీకు తెలుసా. అదే స‌ర్ధార్ పాపారాయుడు సినిమా. 1980 లో వచ్చిన ఈ సినిమాలో ఎన్టీఆర్ గారు అల్లూరి సీతారామరాజు వేషంలో కనిపించి మెప్పించారు. ఇందులో చాలా ప‌వ‌ర్ ఫుల్ పాత్ర పోషించిన నేప‌థ్యంలో ఎన్టీఆర్ రాజ‌కీయాల్లోకి ప్రజలను సేవ చేయాలనీ అనిపించింది. నా దేశం, బొబ్బిలి పులి సినిమాలు కూడా ఆయనలో ప్రజా సేవ చేయాలి అనే ఆలోచనా తెచ్చినప్పటికీ స‌ర్థార్ పాపారాయుడు చిత్రం ఆయనను పూర్తిగా రాజకీయనాయకునిగా మార్చింది అని అంటారు.

స‌ర్ధార్ పాపారాయుడు రిలీజ్ అయిన రెండేళ్ల‌కే ఎన్టీఆర్ తెలుగుదేశం అనే పార్టీని స్థాపించి సీఎం అయ్యారు. కేవలం ఓ ప్రాంతీయ పార్టీని స్థాపించిన ఆయన ఏకంగా పీఎం పీఠాన్ని కూడా కదిలించిన విషయం అందరికి తెలిసిందే. , తెలుగు వాడి ఆత్మగౌరవం ఢిల్లీనాయకుల పాదాల చెంత తాకట్టు పెట్టబడిందనుకొని నడుం బిగించిన ఎన్టీఆర్.. 1982 మార్చి 21న రామకృష్ణ సినిస్టూడియోస్‌లో మొట్ట మొదటిసారిగా రాష్ట్రంలో ఉన్న అన్ని పత్రికల వాళ్లతో సమావేశం ఏర్పాటుచేసి రాజకీయాలలోకి ప్రవేశిస్తున్నానని ప్రకటించాడు.