Sitara Ghattamaneni : టాలీవుడ్ సూప‌ర్ స్టార్ మహేష్ బాబు గారాల ప‌ట్టి సితార గురించి ప్ర‌త్యేకంగా చెప్ప‌నక్క‌ర్లేదు. సినిమాల‌లోకి రాక‌పోయిన కూడా సోష‌ల్ మీడియాలో త‌న టాలెంట్ చూపిస్తూ అశేష అభిమాన ఆద‌ర‌ణ ద‌క్కించుకుంది. పాట‌లు పాడ‌డం, డ్యాన్స్‌లు చేయ‌డం, అనేక విష‌యాలు చెప్పుకొస్తుండ‌డంతో రోజురోజుకి సోష‌ల్ మీడియాలో సితార‌కి ఫాలోవ‌ర్స్ పెరుగుతున్నారు. తండ్రికి తగ్గ తనయగా సితార ఇటీవలి కాలంలో ప్రముఖ జ్యువెల్లరీ సంస్థకు బ్రాండ్ అంబాసిడర్ గా సంతకం చేసింది. ఆ సంస్థకు సంబంధించిన యాడ్ షూటింగ్ లో పాల్గొన్నది. ఈ షూటింగ్ కోసం సితార కోటి రూపాయ‌లు రెమ్యున‌రేష‌న్ తీసుకున్న‌ట్టు తెలుస్తుండ‌గా, దానిని చారిటీకి ఇచ్చింద‌ట.
సితార మంచి మ‌న‌స్సుపై ప‌లువురు ప్ర‌శంస‌లు కురిపించారు. ఇక కొంత కాలం నుంచి ఓ డ్యాన్స్ మాస్టర్ సమక్షంలో డ్యాన్స్ నేర్చుకుంటుంది సితార. ఇటీవ‌ల ప్రముఖ నటి సాయి పల్లవి చేసిన సారంగ దరియా పాటకు డ్యాన్స్ చేసి ఆకట్టుకుంది సితార. సారంగ దరియా పాటకు సాయి పల్లవి అదిరిపోయే స్టెప్పులేసి అదరగొట్టింది. అయితే ఇదే పాటకు సితార లంగావోణి ధరించి స్టెప్పులేసింది. దీనికి సంబందించిన వీడియోను ఇన్ స్టాగ్రామ్ లో పోస్ట్ చేయ‌గా, ఇది చూసి ఫ్యూచర్ హీరోయిన్ అని కొందరు కామెంట్ చేసారు. తండ్రి బాటలో పయనించి వెండి తెరపై అలరిస్తుంద‌ని జోస్యం చెప్పారు.
ఇక సితార తాజాగా మ‌రోసారి త‌న డ్యాన్స్‌తో అదరగొట్టింది. త‌న టీంతో క‌లిసి స్టైలిష్ గా స్టెప్పులు వేసి అదరగొట్టింది. సితార డ్యాన్స్ ప‌ర్‌ఫార్మెన్స్‌కి ప్ర‌తి ఒక్క‌రు ఫిదా అవుతున్నారు. నీలో మంచి టాలెంట్ ఉంద‌ని ప్ర‌శంస‌లు కురిపిస్తున్నారు. టాలీవుడ్ స్టార్ కిడ్స్‌లో ప్రముఖంగా వినిపించే పేరు సితార కాగా, ఈ చిన్నారి పలు యూట్యూబ్ ఇంటర్వ్యూలు, వీడియోలతో పాపులరైంది . ఇన్‌స్టాగ్రామ్‌లో ఇప్పటికే మిలియన్‌కు పైగా ఫాలోవర్లను సంపాదించింది. ఇక తరచూ తండ్రి మహేష్ బాబు నటించిన లేదా ఇతర సినిమాల్లోని పాటలకు తను డాన్స్ చేసిన వీడియోలను ఇన్‌స్టాలో అప్‌లోడ్ చేస్తుండటం తెలిసిందే.
