తెలంగాణ గాయనిగా ఇప్పుడు భారీ స్థాయిలో గుర్తింపు పొందిన సింగర్ మంగ్లీ. తన పాట‌ల‌తో దేశ వ్యాప్తంగా మంచి గుర్తింపు తెచ్చుకుంద‌నే చెప్పాలి. ఈ అమ్మ‌డు ఏ పాట పాడిన కూడా యూట్యూబ్లో మిలియన్ల వ్యూవ్స్ అందుకుంటున్నాయి. స్టార్ హీరోల సినిమాల్లో కూడా ఇప్పుడు ఆమె రెగ్యులర్ సింగర్ గా మారుతుండ‌డం మ‌నం చూస్తూనే ఉన్నాం.. అవకాశం వచ్చిన ప్రతిసారి కూడా మంగ్లీ తానేంటో నిరూపించుకుంటుంది. అలాగే స్పెషల్ ఈవెంట్స్ ఉన్నప్పుడు కూడా ఆమె నుంచి వస్తూ ఉన్న ప్రైవేట్ ఆల్బమ్స్ కూడా మంచి రెస్పాన్స్ ద‌క్కించుకుంటున్నాయి. ప్ర‌తి ఫెస్టివ‌ల్‌కి మంగ్లీ ఏదో ఒక వీడియో చేస్తూ వ‌దులుతూ ఉంటుంది.
శివరాత్రి సంద‌ర్భంగా మంగ్లీ ప‌క్కా ఓ ఆల్బ‌మ్ సాంగ్ చేస్తుంది.దటి నుంచి శివుడి పై పాటలు పడిన పాటలు అందరిని ఎంతగానో ఆకట్టుకున్నాయి. ముఖ్యంగా శివరాత్రి రోజు కూడా ఆమె ఒక స్పెషల్ వీడియోను షూట్ చేసి మరి రిలీజ్ చేస్తుంది. వాటికి కూడా అద్భుతమైన రెస్పాన్స్ వస్తోంది. సింగర్ మంగ్లీ ఈసారి భంభం బోలే అంటూ శివుడి పై సరికొత్త పాటతో భక్తిని చూపించింది. ఈ పాటను ప్రముఖ పాటల రచయిత సుద్దాల అశోక్ తేజ రచించారు. ఇక పాటను చిత్రీకరించిన విధానం కూడా బాగానే ఆకట్టుకుంటుంది. ఈ పాటను శ్రీకాళహస్తిలోని కాలభైరవ స్వామి ఆలయంలో షూట్ చేశారు.
సాధార‌ణంగా శ్రీకాళహస్తిలోని కాలభైరవ స్వామి ఆలయంలో ఎలాంటి షూటింగ్ లకు కూడా అనుమతులు ఉండ‌వు. భక్తులు ఫోన్లు కూడా తీసుకురాకూడదు అని అక్కడ అధికారులు ఆంక్షలు విధిస్తూ ఉంటారు. చిన్న ఫోటో తీసిన కూడా ఎవరు ఊరుకోరు. అలాంటిది మంగ్లీకి సాంగ్ షూట్ కోసం ఎలా అనుమ‌తి ఇచ్చారంటూ ఫైర్ అవుతున్నారు. దక్షిణా కైలాసంగా శ్రీకాళహస్తీశ్వర ఆలయానికి మంచి గుర్తింపు ఉంది. శివరాత్రి రోజు కోసం ప్రత్యేకంగా మంగ్లీ పాడిన శివుడి పాటను అందులోనే చిత్రీకరించడం ఇప్పుడు వివాదంగా మారింది.
