శృతి హాస‌న్‌పై భారీ ఎత్తున ట్రోలింగ్‌.. అస‌లు కార‌ణం ఏంటి..?

ఇటీవల బాలీవుడ్ చిత్రాలు బాక్సాఫీస్ వద్ద బోల్తా పడుతున్న విషయం తెలిసిందే. దీనికి తోడు బాయ్ కాట్ సెగ. దీంతో బాలీవుడ్ తీవ్రమైన నష్టాల్లో కూరుకుపోయింది. వచ్చిన సినిమా వచ్చినట్లే ఫ్లాపవుతున్నాయి. కొన్ని నెలల నుంచి బాలీవుడ్‌ను వేధిస్తున్న సోషల్ మీడియా ట్రెండ్ ఇది. ఈ హ్యాష్ ట్యాగ్ పెట్టి హిందీలో పెద్ద పెద్ద సినిమాలను ఒక వర్గం అదే పనిగా టార్గెట్ చేస్తుండడం.. విపరీతమైన నెగెటివిటీని స్ప్రెడ్ చేస్తుండడం తెలిసిందే. లాల్ సింగ్ చడ్డా లాంటి సినిమాలు థియేటర్లలోకి రాకముందే కిల్ అయిపోవడానికి ఈ బాయ్‌కాట్ బ్యాచ్ నెగెటివిటీనే కారణం.

ఇంకొన్ని మూవీస్ కూడా వీరి ధాటికి బలయ్యాయి. తాజాగా దీనిపై స్టార్ హీరోయిన్ శ్రుతి హాసన్ స్పందించింది. సినిమాలను బ్యాన్ చేయాలనే కల్చర్.. ఒక రకంగా బెదిరింపులకు పాల్పడడమే. ఇలాంటిది సినీ రంగానికే పరిమితం కాదు. ఇలా ఎందుకు జరుగుతోందో అర్థం చేసుకోవడానికి ప్రయత్నిస్తున్నా. దీని వెనుక చాలా కోణాలు ఉన్నాయి. ప్రస్తుత ఈ ఆన్ లైన్ హేట్ సమాజంలో ద్వేషాన్ని నింపేలా ఉంది. నేను కూడా పలు సందర్భాల్లో వ్యక్తిగతంగా ఈ హేట్ ను ఎదుర్కొన్నా. నన్ను సోషల్ మీడియాలో చాలా మాటలన్నారు. చుడైల్ (మంత్రగత్తె అని అర్థం) అని కూడా పిలిచేవాళ్లు.

ఏం జరిగినా పాజిటివ్‌గానే ఉండాలని దృఢ నిశ్చయంతో ఉన్నాను. ఏ రంగంలో అయినా సరే.. నెగెటివిటీ, హేట్ అనేవి మంచిది కాదు అని శ్రుతి హాసన్ అభిప్రాయపడింది. లోకనాయకుడు కమల్‌హాసన్‌ డాటర్‌గా సినిమాల్లోకి ఎంట్రీ ఇచ్చినా యాక్టింగ్‌, అందచందాలతో ప్రత్యేక గుర్తింపు తెచ్చుకుంది శ్రుతి హాసన్. కెరీర్‌లో మధ్య గ్యాప్ తీసుకున్నా గతేడాది జనవరిలో మాస్ మాహారాజా రవితేజ క్రాక్ మూవీతో గ్రాండ్‌గా రీఎంట్రీ ఇచ్చింది. ప్రస్తుతం ఆమె వాల్తేరు వీరయ్య, వీరసింహారెడ్డి, సలార్ వంటి భారీ చిత్రాల్లో నటిస్తోంది.