Shriya Saran : తెలుగు ఇండస్ట్రీలో ఈ జనరేషన్‌లో ఉన్న మోస్ట్ రొమాంటిక్ హీరోలలో తరుణ్ కూడా ఒకడు. లవర్ బాయ్ అనే పదానికి ఆయన నిలువెత్తు నిదర్శనం. ఒకప్పుడు తరుణ్ సినిమాలు వచ్చాయంటే అమ్మాయిలైతే పడి చచ్చిపోయేవాళ్లు. మరీ ముఖ్యంగా 2000లో నువ్వే కావాలి సినిమా చేసిన తర్వాత తరుణ్‌కు సపరేట్ ఫ్యాన్ ఫాలోయింగ్ వచ్చింది. ఆ సమయంలో మామూలు అమ్మాయిలే కాదు.. హీరోయిన్లు కూడా తరుణ్ కోసం కొట్టుకున్నారు. ఓ స్టార్ హీరోయిన్ అయితే ఏకంగా ఆత్మహత్యాయత్నం కూడా చేసింది. ఇదిలా ఉంటే శ్రీయతోనూ ఈయనకు మంచి రాపో ఉంది. అదే ఇప్పుడు 20 ఏళ్ళ తర్వాత కూడా కనిపించింది. అందరి ముందు ముద్దు పెట్టేసింది శ్రీయ.
తరుణ్, శ్రీయ మధ్య మంచి స్నేహం ఉంది. అప్పట్లో ఈ ఇద్దరూ కలిసి మూడు సినిమాలు చేసారు. త్రివిక్రమ్ తెరకెక్కించిన నువ్వే నువ్వేతో పాటు నీ మనసు నాకు తెలుసు, ఎలా చెప్పను సినిమాల్లో కలిసి నటించారు ఈ జోడీ. అప్పట్లో ఈ ఇద్దరి మధ్య ఏదో ఉందనే వార్తలు కూడా గుప్పుమన్నాయి. తరుణ్ కూడా శ్రీయతో చాలా క్లోజ్‌గా ఉండేవాడు. ఈ ఇద్దరూ బయట కూడా చాలాసార్లు కలిసి కనిపించారు. దాంతో ఇద్దరూ పెళ్లి చేసుకుంటారేమో అనుకున్నారు కూడా. అయితే తమది ప్యూర్ ఫ్రెండ్ షిప్ మాత్రమే అని చెప్పాడు తరుణ్. ఆ తర్వాత శ్రీయ ఇతర సినిమాలతో బిజీ అవ్వడం.. తరుణ్‌కు మెల్లగా ఫాలోయింగ్‌తో పాటు మార్కెట్ కూడా పడిపోవడంతో సినిమాలకు దూరం అయ్యాడు. ఇదిలా ఉంటే చాలా ఏళ్ళ తర్వాత ఈ ఇద్దరూ మళ్లీ ఒకే వేదికపై కలిసి కనిపించారు. నువ్వే నువ్వే సినిమా 20 ఏళ్ళ వేడుకలో ఈ సినిమాకు పని చేసిన వాళ్లంతా అసెంబుల్ అయ్యారు.
అందులో తరుణ్, శ్రీయ మెయిన్ అట్రాక్షన్‌గా నిలిచారు. అందరూ చూస్తుండగానే తరుణ్‌కు శ్రీయ ముద్దులివ్వడంతో మ్యాటర్ మరింత ఆసక్తికరంగా మారింది. ఈ ఇద్దరి మధ్య స్నేహం ఇప్పటికీ అలాగే ఉందని అర్థమవుతుంది. సాధారణంగా ఇమేజ్ పడిపోయిన హీరోలను పెద్దగా పట్టించుకోరు హీరోయిన్లు. కానీ తరుణ్ విషయంలో మాత్రం అలా జరగలేదు. శ్రీయ ఇప్పటికీ స్టార్.. కానీ తరుణ్ సీన్‌ో కూడా లేడు. అయినా సరే ఈయనతో అదే రాపో మెయింటేన్ చేస్తుంది శ్రీయ. ఈ సీన్ అంతా చూసాక అమ్మో.. ఇద్దరి మధ్య రిలేషన్ ఇంకా అలాగే ఉందిగా అంటున్నారు అభిమానులు.
