Shoaib Malik : క్రేజీ జంటగా ఉన్న సానియా మీర్జా – షోయబ్ మాలిక్ విడాకులు తీసుకున్నారనే వార్తలు శనివారం ఒక్కసారిగా గుప్పుమన్నాయి. మాలిక్ తన కొత్త భార్య సనా జావేద్తో ఉన్న ఫోటోలను సోషల్ మీడియాలో షేర్ చేసి రెండో పెళ్లిని నిర్ధారించడంతో అందరు షాకయ్యారు. దీంతో షోయబ్ – భారత టెన్నిస్ స్టార్ సానియా మీర్జా మధ్య సఖ్యత లేదని, ఇద్దరూ విడిపోబోతున్నారని గత కొంతకాలంగా జరుగుతున్న ప్రచారం నిజమయ్యింది. షోయబ్ మాలిక్ నుంచి సానియా మీర్జా ‘ఖులా’ ఎంచుకుందని ఆమె తండ్రి ఇమ్రాన్ మీర్జా ధ్రువీకరించారు. సానియా మీర్జా-షోయబ్ మాలిక్లు కొన్ని నెలల క్రితమే విడాకులు తీసుకున్నారు. మరో వివాహం చేసుకున్న షోయబ్ మాలిక్.. కొత్త ప్రయాణం బాగుండాలని సానియా కోరుకుంటూ శుభాకాంక్షలు తెలిపింది” అని సానియా తరఫున ఈ ప్రకటన వెలువడింది.
సానియా మీర్జా వ్యక్తిగత విషయం, గోప్యతకు సంబంధించిన విషయాల్లో ఎలాంటి అనవసరపు ఊహాగానాలు కల్పించవద్దని సానియా టీమ్ కోరింది. అయితే పాకిస్థాన్ క్రికెటర్ షోయబ్ మాలిక్ పోస్ట్ చేసిన పాత ఇన్స్టాగ్రామ్ స్టోరీ ఒకటి బయటకు వచ్చిది. సనా జావేద్ మాజీ భర్త ఉమైర్ జైస్వాల్తో ఆయనకున్న స్నేహం గురించి ఈ పోస్ట్ తెలియజేస్తుంది. పోస్ట్లో సనా జావేద్కి పుట్టినరోజు శుభాకాంక్షలు తెలియజేసిన షోయబ్ మాలిక్.. అప్పుడు ఆమె భర్త ఉమైర్ జైస్వాల్ను ట్యాగ్ చేశారు.దీంతో మాలిక్ జావేద్తో స్నేహం చేయడమే కాకుండా ఒక సంవత్సరం క్రితం తన భర్తతో కూడా మంచి స్నేహ బంధాన్ని కలిగి ఉన్నాడని ఈ పోస్ట్ని బట్టి అర్ధమవుతుంది.
తన ఇన్స్టాగ్రామ్ స్టోరీలో, షోయబ్ మాలిక్ సనా జావేద్తో కలిసి ఉన్న ఫోటో షేర్ చేసతూ.. ‘హ్యాపీ బర్త్డే’ స్టిక్కర్తో పాటు జావేద్ మరియు ఉమైర్ జైస్వాల్ ఇద్దరినీ ట్యాగ్ చేసాడు. దీనిని బట్టి అప్పట్లో ముగ్గురి మధ్య సన్నిహిత సంబంధాలు ఉన్నట్టు అర్ధం అవుతుంది. గతేడాది వరకు సనా జావేద్ మాజీ భర్త ఉమైర్ జైస్వాల్తో షోయబ్ మాలిక్ స్నేహం కొనసాగించాడు. కాని ఏం జరిగిందో ఏమో కాని షోయబ్ మాలిక్, సనా పెళ్లి చేసుకోవడం సంచలనంగా మారింది.పాకిస్థాన్ క్రికెటర్ షోయబ్ మాలిక్ను భారత మాజీ టెన్నిస్ ప్లేయర్ సానియా మీర్జా 2010లో ప్రేమ వివాహం చేసుకుంది. హైదరాబాద్ వేదికగా వీరి వివాహం జరిగింది. 2018లో మీర్జా దంపతులుకు ఓ కుమారుడు జన్మించాడు. కొన్నేళ్ల పాటు సవ్యంగా సాగిన వీరి సంసారంలో మాలిక్ అక్రమ సంబంధం చిచ్చు రేపిందని వార్తలు వచ్చాయి.
