Shivani Rajasekhar : రాహుల్ విజయ్, శివాని రాజశేఖర్ లీడ్‌ రోల్స్‌లో శ్రీకాంత్, వరలక్ష్మీ శరత్‌ కుమార్ కీలకపాత్రలు పోషిస్తున్న చిత్రం ‘కోట బొమ్మాళి పీఎస్‌’. ‘అర్జున ఫల్గుణ’ ఫేమ్ తేజ మార్ని చిత్రాన్ని తెర‌కెక్కించ‌గా, ఈ చిత్రంని గీతా ఆర్ట్స్ 2 బ్యానర్‌‌పై బన్నీ వాస్, విద్యా కొప్పినీడి నిర్మిస్తున్నారు. ఇప్పటికే ఈ చిత్రం నుంచి విడుదలైన ‘లింగి లింగి లింగిడి’ అనే ఫోక్‌ సాంగ్‌కు మంచి రెస్పాన్స్ రావ‌డం మ‌నం చూశాం.ఇటీవ‌లే ఈ పాట 30 మిలియ‌న్స్ వ్యూస్ ను పూర్తి చేసుకున్న సంద‌ర్భంగా చిత్రయూనిట్ సెల‌బ్రేష‌న్ నిర్వ‌హించింది. 30 మిలియ‌న్స్ కేక్‌ను ఈ సంద‌ర్భంగాక‌ట్ చేసి త‌మ సంతోషాన్ని వ్య‌క్తం చేసింది చిత్ర‌బందం. అయితే తాజాగా చిత్ర ప్రీ రిలీజ్ ఈవెంట్ జ‌ర‌గ‌గా, ఆ కార్య‌క్ర‌మంలో రాహుల్‌తో క‌లిసి శివాని తెగ ర‌చ్చ చేస్తూ డ్యాన్స్ చేసింది. మాస్ స్టెప్పులు వేస్తూ అద‌రగొట్టింది. శివాని డ్యాన్స్ చూసి ప్ర‌తి ఒక్క‌రు ఫిదా అయ్యారు. అమ్మ‌డి డ్యాన్స్‌ని రివైండ్ చేసి మ‌రీ చూస్తున్నారు.
ఇక నవంబరు 24న ప్రపంచవ్యాప్తంగా కోట‌బొమ్మాళి సినిమా విడుదల చేస్తున్నారు మేకర్స్. పోలీస్ కు రాజకీయనాయకుడికి మధ్య జరిగే పవర్ ఫుల్ పొలిటికల్ పవర్ గేమ్ గా తెరకెక్కుతున్న ఈ చిత్రం తెలంగాణలో ఎన్నికలు జరిగే సమయంలో నవంబరు 24న విడుదల కానుండంతొో ఈ సినిమాపై అందరిలోనూ మరింత ఆసక్తి పెరిగింది. త‌మిళంలో తాను న‌టించిన నెంజుకు నీది అనే సినిమా చూసి కోట బొమ్మాళి సినిమాలో ద‌ర్శ‌కుడు తేజ మార్ని త‌న‌కి అవకాశం ఇచ్చాడ‌ని శివాని తెలిపింది. కోట బొమ్మాళి సినిమా కోసం శ్రీకాకుళం యాస‌ను నేర్చుకున్నాన‌ని శివాని తెలిపింది.
తేజ డైరెక్షన్‌తో పాటు కాశీ నాగేంద్ర రాసిన డైలాగ్స్ ప్రేక్షకులను ఆలోచింపజేస్తాయి అని నిర్మాత బన్నీ వాసు అన్నారు. చిత్రంలోను డైలాగ్స్ ద్వారా మాపై కాంట్రవర్సీలు కూడా వచ్చే అవకాశం ఉంది. ఎలక్షన్‌లో జరిగే చాలా విషయాలు దగ్గర్నుంచీ చూసిన అనుభవం నాకుంది. వాటిలో నుంచి చాలా సెటిల్డ్‌గా ఎవరి మైండ్ సెట్ ఎలా ఉంటుందో తేజ ఈ సినిమాలో బాగా చూపించారు. ఎలక్షన్స్‌లో పాల్గొనే వారికి, పొలిటిషీయన్స్‌కు ఈ సినిమాలోని కొన్ని సీన్స్ ప్రభావితం చేసేలా ఉంటుంది. కొన్ని రియల్ ఇన్సిడెంట్స్ ఆధారంగా దీన్ని రూపొందిచారు. సిస్టమ్ పాలిటిక్స్‌కు ఎలా లొంగిపోయిందనేది కాన్పెస్ట్ అని నిర్మాత తెలియ‌జేయ‌గా, ఈ మూవీ ఎప్పుడు విడుదల అవుతుందా అని ప్ర‌తి ఒక్క‌రు ఆస‌క్తిగా ఎదురు చూస్తున్నారు.
https://youtube.com/watch?v=567FmIQGXnY
