Roja : ఏపీ మంత్రి రోజా త‌ర‌చు తిరుమ‌ల‌ని సంద‌ర్శిస్తుండ‌డం మ‌నం చూస్తూనే ఉన్నాం. ఈ క్ర‌మంలోనే తాజాగా తిరుమ‌ల స్వామి ఆశీర్వాదం తీసుకున్నారు. బుధవారం (సెప్టెంబర్ 6) కృష్ణాష్టమి సందర్భంగా ఆమె శ్రీవారి సేవలో పాల్గోన్నారు. దర్శనం అనంతరం మీడియాతో రోజా మాట్లాడారు. కృష్ణాష్టమి సందర్భంగా స్వామివారిని దర్శించుకున్నానని చెప్పారు. భక్తులందరికి కృష్ణాష్టమి శుభాకాంక్షలు తెలిపారు. అనంతరం మన దేశం పేరును ఇండియా నుంచి భారత్‌గా మార్చడంపై రోజా స్పందించారు. ఇండియా పేరును భారత్‌గా మారిస్తే మంచిదేనని అన్నారు. ఇంగ్లీష్‌లో ఇండియా అని పిలవడం కంటే మన భాషలో భారత్ అని పిలవడం బాగుంటుందని చెప్పారు. భారత్, భారతదేశం అనే పదాలు చిన్నప్పటి నుంచి మనకు సుపరిచితం అని, ఇండియా పేరును భారత్‌గా మారిస్తే తాను స్వాగతిస్తానని పేర్కొన్నారు.
ఇక రోజా స్వామి వారి దర్శనం త‌ర్వాత బ‌య‌ట‌కు వ‌స్తుండ‌గా, ఆమెతో ఫొటోలో దిగేందుకు అభిమానులు ఎగ‌బ‌డ్డారు.అయితే కొంద‌రితో రోజా స‌ర‌దాగా సెల్ఫీలు దిగిన కూడా మ‌రి కొంద‌రితో మాత్రం సెల్ఫీ దిగేందుకు చాలా ఇబ్బంది ప‌డింది. ఇందుకు సంబంధించిన వీడియో నెట్టింట వైర‌ల్‌గా మారింది. వీఐపీ విరామ సమయంలో రోజా స్వామివారిని దర్శించుకున్నారు. ఇక కొద్ది రోజుల క్రితం కూడా స్వామి వారిని ద‌ర్శించుకుంది రోజా. ఆ సమయంలో ర‌జ‌నీకాంత్‌ని తాను విమ‌ర్శించ‌లేద‌ని క్లారిటీ ఇచ్చింది.
రజినీకాంత్ ని నేను ఎప్పుడూ విమర్శించలేదు..ఆయన ఎంత గొప్ప నటుడో అందరికీ తెలిసిందే. సీనియర్ ఎన్టీఆర్‌తో ఆయనకు ఉన్న అనుబంధం, గొప్పతనం గురించి చెప్పి ఉంటే అందరం మెచ్చుకునేవాళ్లం.. కానీ చంద్రబాబు రాసి ఇచ్చిన స్క్రిప్ట్ చదివారు. చంద్రబాబు పరిపాలన, విజనరీ చాలా గొప్పగా ఉందని.. ఆయనకు మరోసారి పట్టం కడితే ఏపీని ఇండియాలోనే నెంబర్ వన్ స్థానంలోకి తీసుకువ వస్తారని’ అని రజినీకాంత్ చేసిన వ్యాఖ్యలను నేను ఖండించాను. ఇండస్ట్రీలో సూపర్ స్టార్ రజినీకాంత్ కి ఎంతో గొప్ప స్థానం ఉంది. అలాంటి వ్యక్తి 14 ఏళ్ల సీఎం గా ఉండి ఏదీ సాధించని చంద్రబాబు గురించి మాట్లాడటం వల్ల ఆయన ఇమేజ్ డ్యామేజ్ అవుతుందని అన్నాను రోజా చెప్పుకొచ్చారు.
