Sara Tendulkar : వర‌ల్డ్ క‌ప్‌లో భార‌త్ స‌త్తా చాటుతున్న విష‌యం తెలిసిందే. బంగ్లాదేశ్‌తో జరిగిన మ్యాచ్లో సెంచరీల హీరో, ప్రిన్స్ శుభ్‌మన్ గిల్ సత్తాచాటాడు. 55 బంతుల్లో 5 ఫోర్లు, 2 సిక్సర్లతో 53 పరుగులు చేసి శుభ్‌మన్ గిల్ అవుటయ్యాడు. అయితే శుభ్‌మన్ గిల్ ఫోర్లు , సిక్సులు కొట్టినప్పుడు స్టేడియంలోని సారా టెండూల్కర్ ఇచ్చిన రియాక్షన్ ఇప్పుడు చ‌ర్చ‌నీయాంశం అయింది. గిల్ బౌండ‌రీ కొట్టినప్పుడల్లా సారా ఇచ్చిన రియాక్ష‌న్స్ హైలైట్. కెమెరామెన్ సైతం గిల్ ఫోర్ లేదా సిక్స్ కొట్టినప్పుడల్లా ఆమె వైపే కెమెరా తిప్పేవాడు. దీనిని బట్టి సచిన్ కూతురు ఏ రేంజులో రియాక్షన్ ఇచ్చిందో అర్థం చేసుకోవచ్చు. అయితే కెమెరా మెన్ సారాని కాన్స‌న్‌ట్రేష‌న్ చేయ‌డంపై తెగ మీమ్స్ హ‌ల్‌చ‌ల్ చేస్తున్నాయి.
ఇన్నింగ్స్ ఏడో ఓవర్‌లో హసన్ మహమూద్ బౌలింగ్‌లో గిల్ క్రీజులో నుంచి బయటకు వచ్చి షాట్ ఆడాడు. అయితే ఎడ్జ్ తీసుకున్న బాల్ థర్డ్ మ్యాన్ దిశగా బౌండరీకి పరుగులు తీసింది. అయితే ఈ ఫోర్ తర్వాత స్టేడియంలో ఉన్న సారా టెండూల్కర్ ఫుల్ ఎగ్జైంట్‌మెంట్ ఫీలైంది. గట్టిగా చప్పట్లు కొడుతూ సెలబ్రేట్ చేసుకుంది. ఈ వీడియో క్లిప్ సోషల్ మీడియాలో వైరల్ అవుతోంది. సోషల్ మీడియాలో గిల్, సారా టెండూల్కర్ ఒకరినొకరు ఫాలో కావటం, పోస్టులకు కామెంట్స్ కూడా పెడుతూ రావటంతో అప్పట్లో వీరిద్దరూ డేటింగ్‌లో ఉన్నట్లు ప్రచారం జరిగింది.
గిల్ ఆడే మ్యాచ్‌లకు సారా సైతం హాజరవుతూ రావటంతో ఈ ప్రచారానికి మరింత బలం చేకూరింది. దీంతో గిల్, సారా టెండూల్కర్ మీడియా దృష్టిని ఆకర్షించారు. ఇవాళ పుణెలో జరిగిన మ్యాచ్‌కు సైతం హాజరైన సారా.. ఇలా గిల్ బౌండరీలు కొట్టిన ప్రతిసారీ క్లాప్స్ కొడుతూ ఎంజాయ్ చేసింది.సారా స్టేడియానికి వచ్చింది గిల్ కోసమేనని కామెంట్స్ చేస్తున్నారు. పాకిస్థాన్ఫై తక్కువ స్కోరుకే ఔటైన శుబ్మన్.. సారా ఎంకరేజ్ చేయడంతో ఈ మ్యాచ్లో హాఫ్ సెంచరీ బాదాడని ఫ్యాన్స్ అంటున్నారు. కాగా, సారా-గిల్ ప్రేమలో ఉన్నారని చాన్నాళ్లుగా సోషల్ మీడియాలో రూమర్స్ వస్తున్నాయి.
