Sara Tendulkar : క్రికెట్‌ని ప్రేమించే వారికి మాస్ట‌ర్ బ్లాస్ట‌ర్ సచిన్ టెండూల్కర్ గురించి ప్ర‌త్యేక ప‌రిచ‌యాలు అక్క‌ర్లేదు. ఇక సచిన్ టెండుల్కర్ కూతురు సారా టెండుల్కర్ న‌టి, క్రికెటర్ కాక‌పోయినప్ప‌టికీ బాగా తెలుసు. ఈమధ్య ఈ అమ్మడి పేరు సోషల్ మీడియాలో తెగ వైరల్ అవుతోంది. ఇటీవల టీమ్‌ఇండియా స్టార్‌ క్రికెటర్ శుభ్మన్ గిల్‌ కోసం సారా టెండూల్కర్ స్టేడియంలో వాలిపోయింది. పుణెలో బంగ్లాదేశ్‌తో జరిగిన మ్యాచ్‌లో క్రికెట్‌ దిగ్గజం సచిన్ టెండూల్కర్ తనయ సారా స్టేడియంలో సందడి సందడిగా గడిపింది. తన స్నేహితులతో మ్యాచ్‌ను వీక్షించిన ఈ అమ్మాయి..గిల్‌ బ్యాటింగ్‌ చేస్తున్న సమయంలో చప్పట్లు కొడుతూ ఆనందంలో మునిగిపోయింది.
గిల్‌ బౌండరీ కొట్టిన ప్రతీసారి కెమెరామెన్‌ సారాను చూపించడంతో స్టాండ్లలో ఉన్న ఫ్యాన్స్‌ ఈలలు, కేరింతలతో ఊగిపోయారు. మొత్తానికి శుభ్మన్, సారా ప్రేమాయణం ఒక ట్రాక్‌లోకి వచ్చినట్లు కనిపిస్తున్నది. వీరిద్ద‌రు కొన్నాళ్లుగా డేటింగ్‌లో ఉన్నార‌ని ప్ర‌చారం జ‌రుగుతుండ‌గా, దానిపై క్లారిటీ లేదు. అయితే ఇటీవల వారు విడిపోయినట్టు కూడా ప్ర‌చారం సాగింది. కాని వాట‌న్నింటిని ప‌టాపంచ‌లు చేస్తూ బంగ్లాతో జరిగిన మ్యాచ్‌లో సారా మెర‌వ‌డంతో అంద‌రికి ఓ క్లారిటీ ఇచ్చింది. “మాకు శుభ్మన్ భయ్యా అంటే ఇష్టం. అందువల్ల మీరు అంటే కూడా ఇష్టం” అని ఓ యూజర్ కామెంట్ చేయ‌గా మ‌రొకరు… “మా బాబీ.. సారా జైషీ హో” అని కామెంట్స్ చేస్తున్నారు.
ఇక సారా తాజాగా బ‌య‌ట మెరిసింది. ట్రెండీ వేర్‌లో క్యూట్ లుక్‌లో మెరిసిన సారా టెండూల్కర్ ని చూసి నెటిజ‌న్స్ థ్రిల్ అవుతున్నారు. సారా అంద‌చందాల‌కి ఫిదా అవుతున్నారు. హీరోయిన్‌ని మించిన అందం సారాది అంటూ కొంద‌రు క్యూట్ కామెంట్స్ చేస్తున్నారు. ప్ర‌స్తుతం సారాకి సంబంధించిన వీడియో నెట్టింట వైర‌ల్‌గా మారింది. పోస్ట్ గ్రాడ్యుయేట్ డిగ్రీని పూర్తి చేస్తుకున్న సారా.. ఇటీవలే యూకేలో పరీక్ష రాసి ముంబైకి తిరిగి వచ్చింది.
