Samantha : గ్లామ‌ర‌స్ హీరోయిన్ సమంత గురించి ప్ర‌త్యేక ప‌రిచ‌యాలు అక్క‌ర్లేదు. ఒక‌ప్పుడు స్టార్ హీరోయిన్‌గా ఓ ఊపు ఊపిన ఈ భామ మ‌యోసైటిస్ వ‌ల‌న సినిమ‌ల‌కి బ్రేక్ ప్ర‌క‌టించింది. సమంత ఎప్పుడెప్పుడు సినిమాలు చేస్తుందా అని ఫ్యాన్స్ ఈగర్ గా ఎదురుచూస్తున్నారు. మాయోసైటిస్ తో బాధపడుతున్న సామ్ దాన్ని నుంచి కోలుకోవడానికి ఏడాది పాటు సినిమాలకు గ్యాప్ ఇచ్చింది. తెలుగులో చివరిగా ఖుషి సినిమాతో ప్రేక్షకుల ముందుకు వచ్చింది. విజయ్ దేవరకొండ హీరోగా నటించిన ఈ సినిమా ఆశించిన స్థాయిలో ప్రేక్షకులను ఆకట్టుకోలేకపోయింది. తెలుగులో తక్కువ సమయంలోనే స్టార్ హీరోయిన్ గా ఎదిగింది సామ్. ఆ తర్వాత తమిళ్ లో సినిమాలు చేసింది. అక్కడ స్టార్ హీరోల సరసన సినిమాలు చేసి మెప్పించింది.
తెలుగు, తమిళ్‌తో పాటు హిందీలోనూ సినిమాలు చేసింది. హిందీలో ఫ్యామిలీ మ్యాన్ అనే వెబ్ సిరీస్ చేసింది. దాంతో హిందీలో మంచి గుర్తింపు తెచ్చుకుంది.ఇటీవ‌ల సమంత ఆరోగ్యానికి సంబంధించిన టిప్స్ ఇస్తూ వార్త‌ల‌లో నిలుస్తుంది. తన ఫిట్‌నెస్‌ ట్రైనర్‌ అల్కేష్‌ షరోత్రితో కలిసి ‘టేక్‌ 20’ పేరుతో ఇన్‌స్టా వేదికగా ఆరోగ్య సూత్రాలను వల్లెవేస్తున్నది ఈ అందాలభామ. ఇందులో భాగంగా ఆరోగ్యకరమైన ఆహారాన్ని కూడా ప్రమోట్‌ చేస్తున్నది. ఇదిలావుంటే.. సమంత టిప్స్‌పై ఓ నెటిజన్ క్వశ్చన్‌ చేశాడు. ‘ఇప్పుడీ సూక్తులు చెబుతున్నారు బాగానే వుంది. గతంలో మీరు అనారోగ్యమైన బ్రాండ్లను ప్రమోట్‌ చేశారు. దానికేం సమాధానం చెబుతారు?’ అని అడిగాడు.
దాంతో కంగు తినడం సామ్ వంతైంది. వెంటనే తను రియాక్టవుతూ ‘గతంలో తప్పులు చేసిన మాట నిజమే. అవి తెలియక చేసిన తప్పులు. తెలుసుకున్న తర్వాత అలాంటి వాటిని ప్రమోట్‌ చేయడం పూర్తిగా ఆపేశాను. ప్రస్తుతం ఏవైతే ఆచరిస్తున్నానో.. వాటిని మాత్రమే చెబుతున్నాను’ అని తెలిపారు. ప్రస్తుతం తన సొంత నిర్మాణ సంస్థలో ‘మా బంగారం’ అనే సినిమాను రూపొందిస్తున్నది సమంత. ఈ భామ అనేక రకాల బ్రాండ్స్‌కు ప్రచారం చేసింది. వాటిలో కొన్ని హానికర ఉత్పత్తులు సైతం ఉన్నట్లు తెలుస్తోంది. అందుకే నెటిజన్ అడిగిన ప్రశ్నకు కవర్ చేయకుండా సూటిగా, నిజాయితీగా సమంత నిజం చెప్పింది. కాగా ఈ వ్యాఖ్యలతో సమంత మరోసారి టాలీవుడ్‌లో అందరిదృష్టిని ఆకర్షించింది.
