Samantha : సమంత పైకి ఎంత సైలెంట్ గా కనిపిస్తుందో.. లోపల అంతా వైలెంట్. తనను ఎవరు టచ్ చేయనంత వరకు బాగానే ఉంటుంది.. కానీ ఎవరైనా తనను పర్సనల్‌గా టార్గెట్ చేశారంటే మాత్రం ఇచ్చే సమాధానాలు మరో స్థాయిలో ఉంటాయి. తాజాగా మళ్లీ ఇదే చేసింది సమంత. కొన్ని నెలల నుంచి ఆమె సోషల్ మీడియాలో కానీ.. బయట కానీ ఎక్కడా కనిపించడం లేదు. దాంతో సమంతకు ఏదో అయిపోయింది అంటూ ప్రచారం మొదలైంది. ముఖ్యంగా ఆమెకు ఆరోగ్య సమస్యలున్నాయని.. అమెరికా వెళ్లి వాటిని పరిష్కరించుకొని వచ్చింది అంటూ వార్తలు వినిపిస్తున్నాయి. ఎందుకు వెళ్ళిందో తెలియదు కానీ నెల రోజులు మాత్రం అమెరికాలోనే ఉంది సమంత.
సోషల్ మీడియాలో వస్తున్న ఈ న్యూస్ అన్నింటినీ జాగ్రత్తగా గమనించిన సమంత.. ఒకే ఒకసారి అందరికీ సమాధానం చెప్పింది. చాలా రోజుల నుంచి సోషల్ మీడియాకు దూరంగా ఉన్న ఈ ముద్దుగుమ్మ.. ఓడిపోలేదు కాస్త వెనక్కి తగ్గాను అంటూ ఇన్‌స్టాగ్రామ్ లో రాసుకొచ్చింది. ఇన్ని రోజులు తనను ఎవరైతే ట్రోల్ చేశారో వాళ్లను ఉద్దేశించి నేను ఇంకా ఉన్నాను.. ఓడిపోలేదు అని గుర్తు చేసింది సమంత. ప్రస్తుతం శాకుంతలం, యశోద సినిమాలతో బిజీగా ఉంది. ఈ రెండు సినిమాల షూటింగ్ అయిపోయింది. వాటి పోస్ట్ ప్రొడక్షన్ వర్క్ బిజీగా జరుగుతుంది.
నవంబర్ మొదటి వారంలో ఈ రెండు సినిమాల ప్రమోషన్ కోసం కొన్ని రోజులు డేట్స్ అడ్జస్ట్ చేసింది సమంత. అలాగే విజయ్ దేవరకొండ హీరోగా నటిస్తున్న ఖుషి సినిమాలో ఈమె హీరోయిన్‌గా నటిస్తోంది. కేవలం సమంత కారణంగానే కొన్ని రోజులుగా ఈ సినిమా షూటింగ్ ఆగిపోయింద‌ని ప్రచారం జరుగుతోంది. ఆమె డేట్స్ ఇస్తే ఈ సినిమా షూటింగ్ ముందుకు వెళుతుంది.. లేదంటే ఇంకా ఆలస్యం అవ్వక తప్పదు. ఇప్పటికే డిసెంబర్ 23న రావాల్సిన ఈ సినిమా రిలీజ్ డేట్ మారిపోయిందని.. వచ్చే ఏడాది ఫిబ్రవరికి ఖుషి వాయిదా పడింది అంటూ ప్రచారం జరుగుతుంది. తనపై జరుగుతున్న ఈ వార్తలని జాగ్రత్తగా గమనించిన సమంత.. ఇన్ని రోజుల తర్వాత బయటికి వచ్చి నేను ఇంకా రేసులోనే ఉన్నాను అనే సంకేతం ఇచ్చింది.
అక్టోబర్ చివరి వారంలో విజయ్ దేవరకొండ సినిమాతో బిజీ కానుంది ఈ ముద్దుగుమ్మ. ఆ తర్వాత మిగిలిన సినిమాలను కూడా పూర్తి చేయనుంది. మరీ ముఖ్యంగా బాలీవుడ్ నుంచి ఈమెకు మంచి మంచి ఆఫర్స్ వస్తున్నాయి. హాలీవుడ్‌లో సూపర్ హిట్ అయిన సిటేడాల్ వెబ్ సిరీస్ ఇండియన్ వర్షన్ లో సమంత ఒక యాక్షన్ రోల్ చేస్తుంది. ఫ్యామిలీ మ్యాన్ సిరీస్ తెరకెక్కించిన రాజ్ డీకే దీనికి దర్శకులు. వరుణ్ ధావన్ ఇందులో హీరోగా నటిస్తున్నాడు. నవంబర్ నుంచి ఈ వెబ్ సిరీస్ షూటింగ్ మొదలు కానుంది. ఏదేమైనా ఇప్పటినుంచి ఫుల్ బిజీ కావాలని ఆలోచిస్తుంది సమంత.
