Samantha : టాలీవుడ్ స్టార్ హీరోయిన్ సమంత తన జీవితంలో ఎన్నో క‌ష్టాల‌ను దాటుతూ ముందుకు సాగుతున్న విష‌యం తెలిసిందే. నాగ చైత‌న్య నుండి విడిపోయిన తర్వాత సమంత చాలా క‌ష్టాలు ఎదుర్కొంది. ఆమెని చాలా మంది చాలా ర‌కాలుగా మాట్లాడారు. అయిన‌ప్ప‌టికీ ఈ ముద్దుగుమ్మ అవేమి ప‌ట్టించుకోకుండా తన ప‌ని చేసుకుంటూ ముందుకు వెళుతుంది. అయితే ఊహించ‌ని విధంగా మ‌యోసైటిస్ వ్యాధిన బారిన ప‌డ‌డంతో సమంత చాలా డిప్రెష‌న్‌కి వెళ్లింద‌నే చెప్పాలి. ఈ వ్యాధితో బాధ‌ప‌డుతూనే సమంత యశోద మూవీ ప‌నులు పూర్తి చేసింది. ఇక ప్ర‌మోష‌న‌ల్ కార్య‌క్ర‌మాల‌లో కూడా పాల్గొంది.
యశోద సినిమా ఇప్పుడు మంచి కలెక్ష‌న్స్‌తో దూసుకుపోతుంది.మొదటి రోజు కలెక్షన్ల కంటే రెండో రోజు ఎక్కువగా వచ్చాయి. ఈ వీకెండ్ మొత్తం సమంత జోరే కనిపించేట్టుగా ఉంది. సమంత తన స్టామినా ఏంటో మరోసారి నిరూపించేసింది.రెండు రోజుల్లోనే బ్రేక్ ఈవెన్ మార్క్ కొట్టడంతో యశోద హాట్ టాపిక్ అవుతోంది. ఈ సినిమాకు ఓవర్సీస్‌లో భారీ స్పందన వచ్చింది. రెండు రోజుల్లోనే బ్రేక్ ఈవెన్ మార్క్ క్రాస్ చేసింది. ఈ చిత్రం దాదాపుగా అక్కడ $350k డాలర్లను వసూల్ చేసింది. అంటే ఇండియన్ కరెన్సీలో దగ్గరదగ్గరగా రూ. 2.8 కోట్లు అన్న మాట. యశోద చిత్రానికి ఇంత మంచి రెస్పాన్స్ వ‌స్తుండ‌డంతో సమంత ఫుల్ ఖుషీలో ఉంది.
సమంత తన సక్సెస్ సెలబ్రేషన్స్ లో భాగంగా ఒక వ్యక్తికి హగ్ ఇస్తూ తన ఇన్నర్ ఫీలింగ్ షేర్ చేసింది. సమంత ఫిట్నెస్ ట్రైనర్ జునైద్ షేక్… కొన్నాళ్ల నుంచి ఆమెకు ఫిట్నెస్ ట్రైనింగ్ ఇస్తున్నాడు. సమంత బాడీ అంత ఫిట్ గా ఉండడానికి అలాగే యాక్షన్ సీన్స్ లో స్టిఫ్ గా ఆమె పెర్ఫార్మ్ చేయడానికి కూడా కారణం అతనేనట. అయితే త‌న‌కు ఎంతో ఇష్టమైన జిలేబీ ఎప్పుడూ జునైద్ తినడానికి ఇష్టపడలేదు..కానీ యశోద మూవీ సక్సెస్ తర్వాత ఆయ‌న స్వ‌యంగా తెచ్చి ఇచ్చాడ‌ట. యశోద సక్సెస్ నేపధ్యములో అతను నాకు జిలేబీ తెచ్చి ఇచ్చాడని, ముఖ్యంగా ఆ యాక్షన్ సీన్స్ కోసం ఇది తెచ్చిచ్చాడని ఆమె పేర్కొంది. గత కొన్ని నెలలుగా నా బాధలు అన్నింటిని చూసిన కొద్ది మంది వ్యక్తులలో ఆయ‌న కూడా ఉన్నారని, నా అత్యల్ప స్థాయి.. నా బలహీనత, కన్నీళ్లను, అధిక మోతాదు స్టెరాయిడ్ చికిత్సలను ఇలా అన్నింటినీ నువ్వు కూడా చూశావ‌ని ఆమె పేర్కొంది.
