Sai Pallavi : లేడి ప‌వ‌ర్ స్టార్ సాయి పల్లవి గురించి ప్ర‌త్యేకంగా చెప్ప‌న‌క్క‌ర్లేదు. వైవిధ్య‌మైన న‌ట‌న‌తో పాటు డ్యాన్స్‌తో అశేష ప్రేక్ష‌కాద‌ర‌ణ ద‌క్కించుకుంది. . సాయిపల్లవి సోదరి పూజా కన్నన్‌ మరికొన్ని నెలల్లో పెళ్లి పీటలెక్కనుంది. వినీత్‌తో కలిసి ఆమె నిశ్చితార్థం ఇటీవల గ్రాండ్‌గా జరిగింది. వీరి ఎంగెజ్మెంట్‌ ఫంక్షన్‌కు సంబంధించిన ఫొటోలు, వీడియోలు ప్రస్తుతం సామాజిక మాధ్యమాల్లో తెగ వైరలవుతన్నాయి. ఎంగేజ్‌ మెంట్‌ ఈవెంట్‌ కు సంబంధించి సాయి పల్లవి, పూజ కూడా రోజుకొక వీడియోను రిలీజ్‌ చేస్తున్నారు. ఇవి నెటిజన్లను అమితంగా ఆకట్టుకున్నాయి. చెల్లి ఎంగేజ్మెంట్ ఏర్పాట్లను దగ్గరుండి చూసుకుంది సాయి పల్లవి. అలాగే ఫంక్షన్లలో హుషారుగా స్టెప్పులు, తీన్మార్‌ డ్యాన్స్‌లు వేస్తూ ఆహూతులను ఎంత‌గానో అలరిస్తుంది.
అయితే అక్కా చెల్లెళ్ల డ్యాన్స్ వీడియోలు నెటిజ‌న్స్‌ని ఎంత‌గానో ఆక‌ట్టుకుంటున్నాయి. సాయి పల్లవే అనుకుంటే ఆమెను మించిపోయేలా స్టెప్పులేసింది పూజా కన్నన్‌. కాబోయే భర్త వినీత్‌తో కలిసి తీన్మార్‌ స్టెప్పులేసింది. ఇక సాయిపల్లవి కూడా ఈ జోడికి తోడవ్వడంతో ఎంగేజ్మెంట్ పార్టీలో ఫుల్‌ జోష్‌ కనిపించింది. ఈ వీడియోలో సాయి పల్లవి, తన చెల్లి పూజా, తనకు కాబోయే భర్త వినీత్, బంధుమిత్రులు ఉన్నారు. అంతా కలిసి హుషారుగా డాన్స్ వేయడం అభిమానులను ఆకట్టుకుంటోంది. ప్రస్తుతం నిశ్చితార్థం మాత్రం గ్రాండ్ గా జరిగింది. ఇక నెక్ట్స్ పెళ్లి డేట్ పై క్లారిటీ రావాల్సి ఉంది. ఇక సాయిపల్లవి మాత్రం తన కెరీర్ పైనే ఫోకస్ పెట్టారు. నాగ చైతన్య సరసన ‘తండేల్’ అనే మూవీలో నటిస్తోంది. అలాగే బాలీవుడ్ లోనూ నితేష్ కుమార్ దర్శకత్వంలో రానున్న ‘రామయణం’ సీతగా నటిస్తున్నారంటూ వార్తలు వచ్చాయి. మున్ముందు క్లారిటీ రానుంది.
కాగా చెల్లి ఎంగేజ్మెంట్ లో కూడా సాయి పల్లవి ఎప్పటిలాగా ఎంతో సింపుల్ గా కనిపించింది. ఎంగేజ్మెంట్ కు సంబంధించి సోషల్ మీడియాలో పోస్ట్ చేసిన ఫోటోలను పట్టి అక్కచెల్లెళ్ల మధ్య ఎంత ప్రేమ ఉందో ఇట్టే అర్థమవుతోంది. తన పెళ్లిని వాయిదా వేసుకున్న స్టార్ హీరోయిన్ చెల్లి పెళ్లిని మాత్రం దగ్గరుండి మరీ జరిపిస్తోంది. మ‌రి సాయి పల్లవి ఎప్పుడు పెళ్లి చేసుకుంటుందా అని ప్ర‌తి ఒక్క‌రు ఎంతో ఆస‌క్తిగా ఎదురు చూస్తున్నారు.
