నాకు తాగుడు అల‌వాటు లేదు.. యాక్సిడెంట్ జ‌రిగింది అందువ‌ల్లే.. అస‌లు విష‌యం చెప్పిన సాయిధ‌ర‌మ్ తేజ్..

మెగా మేన‌ల్లుడు సాయి ధ‌ర‌మ్ తేజ్.. మెగా ఫ్యామిలీ నుండి హీరోగా వ‌చ్చినా కూడా చాలా ప‌ద్ద‌తిగా ఉంటాడు. ఏ మాత్రం పొగ‌రు క‌నిపించ‌దు. అంద‌రితోనూ క‌లివిడిగా ఉంటూ మ‌న్న‌నలు పొందుతూ ఉంటాడు. చాలా రోజుల త‌ర్వాత సాయి ధ‌ర‌మ్ తేజ్ త‌న తమ్ముడి చిత్రం రంగ రంగ వైభ‌వంగా ప్రీ రిలీజ్ ఈవెంట్‌లో క‌నిపించాడు. ఆ ఈవెంట్‌లో సాయి ధరమ్ తేజ్ మాట్లాడుతూ ఎమోషనల్ అయ్యాడు. మళ్లీ ఇలా రావడం అనేది నా అదృష్టం. మళ్లీ వస్తాను అని అనుకోలేదు. ఇది నా అదృష్టంగా భావిస్తున్నాను. మీరంతా ఇంటికి వెళ్తుంటారు. మీరు బైక్ నడిపేటప్పుడు.. హెల్మెట్ వేసుకొని బైక్ నడపండి. మీరు పక్కింటికి వెళ్లినా కూడా హెల్మెట్ పెట్టుకొని వెళ్లండి.

నేను హెల్మెట్ పెట్టుకొన్నా కాబట్టి యాక్సిడెంట్ జరిగినా బతికి బయటపడ్డాను. కాబట్టి మీకు చేతులు ఎత్తి మొక్కుతున్నాను. హెల్మెట్ లేకుండా బండి నడపకండి. ప్లీజ్.. ప్లీజ్.. హెల్మెట్ వేసుకోండి. రోడ్డుపైన ఇసుక ఉంటే ఎవరు ఏం చేస్తారు. విధిరాతను ఎవరూ మార్చలేరు. కాబట్టి మీరు హెల్మెట్ వేసుకోండి.. అని సాయిధరమ్ అన్నారు. రంగ రంగ వైభ‌వంగా మూవీ షూటింగ్ జరుగుతున్న సమయంలో నాకు యాక్సిడెంట్ అయింది. సినిమా హిట్ అవుతదా ? బ్లాక్ బస్టర్ అవుతదా ? అన్నది నాకు తెలీదు.. మీరు మా తమ్ముడిని యాక్సెప్ట్ చేశారు.. అదే నాకు చాలు.

స్టేజ్ మీదకు ఎక్కినా, కింద ఉన్నా కూడా వీడ్ని ఏడిపించడం నాకు ఇష్టం.. వీడు నవ్వుతుంటే నాకు ఇష్టం.. అదే నాకు సంతోషం.. అదే మన హ్యాపీనెస్.. మీ అందరి ముఖాల్లో నవ్వు కనిపిస్తోంది.. అదే నా హ్యాపీనెస్.  నేనేమీ 90 వేయలేదు.. నాకు తాగడం అలవాటు లేదు.. నా తమ్ముడు మంచి యాక్టర్ అని నాకు అనిపిస్తోంది. కాబట్టి థియేటర్‌కు వెళ్లి సినిమా చూడండి అని సాయిధరమ్ తేజ్ అన్నాడు. మొత్తానికి సాయి ధ‌ర‌మ్ తేజ్ చేసిన కామెంట్స్ ఇప్పుడు ఇండ‌స్ట్రీ వ‌ర్గాల‌లో చ‌ర్చ‌నీయాంశంగా మారాయి.