69వ జాతీయ చలనచిత్ర అవార్డుల ప్రధానోత్సవ కార్యక్రమం ఢిల్లీ వేదికగా అత్యంత ఘనంగా జ‌రిగిన విష‌యం తెలిసిందే. ఈ అవార్డుల ప్రధానోత్సవ కార్యక్రమంలో టాలీవుడ్ ప్రముఖ హీరో, స్టైలిష్ స్టార్ అల్లు అర్జున్ ప్రత్యేక ఆకర్షణగా నిలిచారు. జాతీయ చలనచిత్ర అవార్డుల ప్రదానోత్సవ కార్యక్రమానికి విజేతలు హాజరు కాగా, జాతీయ ఉత్తమ నటుడిగా ఎంపికైన టాలీవుడ్ ప్రముఖ హీరో అల్లు అర్జున్ కుటుంబ సమేతంగా ఈ కార్యక్రమానికి హాజరయ్యారు. ఉత్తమ తెలుగు చిత్రంగా ఉప్పెన, దర్శకుడు బుచ్చిబాబు సాన, నిర్మాతలు రవిశంకర్ ఎర్నేని, ఎలమంచిలి రవిశంకర్ అవార్డులు స్వీకరించారు.ఆర్ఆర్ఆర్ సినిమాకు గాను దర్శకుడు రాజమౌళి, ది కాశ్మీర్ ఫైల్స్ చిన్న సినిమాకు నిర్మాత అభిషేక్ అగర్వాల్ అవార్డులు ద‌క్కాయి.
అయితే జాతీయ అవార్డ్‌ల‌ని మొద‌టి సారి 1954లో అందించారు. భారతీయ కళలు మరియు సంస్కృతిని కలిగి ఉన్న సినిమాలకు, దేశీయ వ్యక్తులు దర్శకత్వం వహించిన సినిమాలను గౌరవించడానికి మరియు వారిని ప్రోత్స‌హించేందుకు ఈ అవార్డ్‌ల‌ని ప్ర‌వేశ‌పెట్టిన విష‌యం తెలిసిందే. 1973 నుండి ఈ అవార్డు వేడుకలు భారత ప్రభుత్వ డైరెక్టరేట్ ఆఫ్ ఫిల్మ్ ఫెస్టివల్స్ ద్వారా నిర్వ‌హించ‌బ‌డ‌డం జ‌రుగుతుంది.నేష‌న‌ల్ అవార్డ్స్‌ని ఢిల్లీలో రాష్ట్ర‌పతి ప్ర‌ధానం చేస్తారు. జాతీయ చలనచిత్ర అవార్డులు రెండు ప్రధాన విభాగాలగా ఉన్నాయి. ఫీచర్ ఫిల్మ్‌లు మరియు నాన్-ఫీచర్ ఫిల్మ్‌లు. ఫీచర్ ఫిల్మ్ కేటగిరీ కింద విజేతలను 13 మంది సభ్యులతో కూడిన జ్యూరీ ఎంపిక చేస్తుంది.
నాన్ ఫీచర్ ఫిల్మ్ కేటగిరీలో విజేతలను 5 మంది సభ్యులతో కూడిన జ్యూరీ ఎంపిక చేస్తుండ‌గా, అందుకు ఏయే నియ‌మాల‌ని పాటిస్తార‌నేది ఇప్పుడు చూద్దాం. ఎంట్రీకి పంపించే సినిమా జనవరి 1 నుంచి డిసెంబర్ 31 లోపు సెంట్రల్ బోర్డ్ ఆఫ్ ఫిల్మ్ సర్టిఫికేషన్ ద్వారా సర్టిఫికేట్ పొందాల్సి ఉంటుంది. అప్పుడే ఈ పోటీలో పాల్గొనే అర్హత ఉంటుంది. ఈ పోటీలోకి వచ్చే సినిమాలు ఇండియాలోనే నిర్మించి ఉండాలి. ఈ సినిమాకు విదేశీ సంస్థ సహ-నిర్మాతగా ఉంటే, మరో 6 షరతులను నెరవేర్చాల్సి ఉంటుంది. అన్ని షరతులను పూర్తి చేసిన తర్వాత, సినిమా ఎంట్రీ లిస్ట్ కి అర్హత దక్కించుకుంటుంది. ఇక పోటీలో పాల్గొనే సినిమాకి త‌ప్ప‌క భార‌తీయుడు మాత్ర‌మే దర్శకత్వం వ‌హించాల్సి ఉంటుంది. ఇవన్నీ ప‌రిగ‌ణ‌లోకి తీసుకొనే నేష‌న‌ల్ అవార్డ్స్‌ని ప్ర‌క‌టిస్తారు.
