Roja : ఏపీ స్కిల్ డెవలప్మెంట్ స్కాంలో చంద్రబాబు అరెస్ట్ అయి రిమాండ్పై రాజమండ్రి సెంట్రల్ జైలులో ఉన్నారు. చంద్రబాబుకు తోడుగా మొత్తం ఎన్టీఆర్ కుటుంబంపై తెరపైకి వస్తోంది. అదే సమయంలో ఎమ్మెల్యే నందమూరి బాలకృష్ణ సంచలన ప్రకటన చేశారు. సంక్షేమాన్ని గాలికొదిలేసి ప్రతిపక్షాలపై కక్షసాధింపులే లక్ష్యంగా సీఎం జగన్ పనిచేస్తున్నారని బాలకృష్ణ మండిపడ్డారు.. జగన్ జైలుకు వెళ్లొచ్చారని అందరినీ పంపాలని ప్రయత్నిస్తున్నారని చెప్పుకొచ్చారు. మంగళగిరిలోని టీడీపీ కేంద్ర కార్యాలయంలో నిర్వహించిన మీడియా సమావేశంలో బాలకృష్ణ… వైసీపీ ప్రభుత్వంపై మండిపడ్డారు. సాధింపులే లక్ష్యంగా జగన్ పనిచేస్తున్నారుని బాలయ్య మండిపడ్డారు.
బాలయ్య కామెంట్స్ తర్వాత వైసీపీ నాయకులు ఒక్కొక్కరుగా స్పందిస్తూ వస్తున్నారు. తాజాగా రోజా మీడియాతో మాట్లాడుతూ.. ఏ రోజు కూడా ఆయన అసెంబ్లీకి వచ్చింది లేదు. ప్రజల సమస్యలపై స్పందించలేదు. ఆ రోజు తండ్రిని వెన్నుపోటు పొడిచిన వ్యక్తికి అండగా ఉన్నాడు. ఈ రోజు ప్రజల డబ్బుని దోచుకున్న వ్యక్తికి సపోర్ట్గా నిలుస్తున్నాడు. తన ఇంట్లో కాల్పులు జరిగినప్పుడు తానే సెల్ఫ్ సర్టిఫికెట్ సైకో అని స్టేట్మెంట్ అని ఇచ్చుకున్నాడు. ఇప్పుడు ఆయన ఏదో మాట్లాడుతున్నాడు. చంద్రబాబుతో కలిసి నందమూరి కుటుంబం అంత ఎన్టీఆర్ని వెన్నుపోటు పొడిచారు. ఇప్పటికే నీకు ,నీ బావకి ప్రజలు బుద్ది చెప్పారు అని రోజా మండిపడ్డారు.
మీరు నీతివంతులు అని ప్రజలు నమ్మాలంటే లోకేష్, భువనేశ్వరిలు కలిసి విచారణకి హాజరు కావాలి. బాలకృష్ణ మాటలు వింటుంటే లోకేష్ కూడా ఏదో ఒక రోజు అరెస్ట్ అవుతాడు అని తెలిసి ఇన్నాళ్లకు ఆ సీటులో వచ్చి కూర్చున్నాడు. ఆయన మాటలు వింటుంటే సౌండ్ ఎక్కువ, మేటర్ తక్కువ అన్నట్టుగా అనిపించింది. ఆయన ఏం మాట్లాడాడో ఆయనకైన అర్ధం అయిందో లేదో అంటూ రోజా తెగ పంచ్లు వేసింది. కాగా, స్కిల్ డెవలప్మెంట్ కుంభకోణం జరగలేదని, అందులో తప్పు చేయలేదని చంద్రబాబు చెప్పగలరా అని ప్రశ్నించారు మంత్రి రోజా.
