Roja : ప్ర‌స్తుతం ఏపీ రాజ‌కీయాల‌లో రోజా హాట్ టాపిక్‌గా మారిన విష‌యం తెలిసిందే. కొన్ని రోజుల క్రితం నటి, వైసిపి మంత్రి రోజా పై తెలుగు దేశం పార్టీకి చెందిన విశాఖ సీనియర్ బిసి నాయకుడు బండారు సత్యనారాయణమూర్తి చేసిన విమర్శలను ఇప్పుడు సినిమా ఇండ‌స్ట్రీకి చెందిన ప‌లువురు ప్ర‌ముఖులు ఖండిస్తున్నారు. తమిళ చిత్ర పరిశ్రమకి చెందిన కొంత మంది సీనియర్ నటీమణులు వీడియోలు చేసి తమ సాంఘీక మాధ్యమాల్లో పోస్ట్ చేస్తున్నారు. వీళ్ళందరూ రోజాకి సపోర్ట్ చేస్తూ పెట్టిన ఈ వీడియోలు ఇప్పుడు ట్రోలింగ్ కు గురవుతున్నాయి.
అయితే ఆలా పెట్టినవాళ్ళు కేవలం వాళ్ళచేత ఎవరో పెట్టించినట్టుగా ఈ వీడియోస్ పోస్టు చేసి పెట్టరేమో అని అనిపిస్తూ ఉంటుంది. ఎందుకంటే అంతకు ముందు రోజా వైసిపి ఎంఎల్ఎ గా ఉన్నప్పటినుంచి, అటు అసెంబ్లీలో రోజా చేసిన అసహ్యకరమైన చేష్టలు, కులహంకారంతో ఎస్సిలను ఉద్దేశిస్తూ చేసిన కామెంట్స్, ఎపిలో మహిళలపై జరుగుతోన్న అగాయిత్యాలు ఈ నటీమణులకు లకు కనబడటం లేదా అని నెటిజన్స్ అందరూ కామెంట్స్ చేస్తున్నారు. అయితే బండారు వ్యాఖ్య‌ల‌పై దీటుగా స్పందించిన రోజా.. బండారు లాంటి చీడ పురుగుల్ని ఏరిపారేయాల్సిన అవసరం ఉందన్నారు. మహిళను ఒక మాట అనాలంటే భయపడే పరిస్థితి రావాలన్నారు. ఆ దిశగా చట్టాలను మరింత కఠినతరం చేయాల్సిన అవసరం ఉందన్నారు.
మహిళలపై అనుచిత వ్యాఖ్యలు చేసే వారిని తక్షణమే రిమాండ్‌కు తరలించేలా చట్టాలు కఠినంగా ఉండాలన్నారు. బండారుపై న్యాయ పోరాటం చేస్తానన్న మంత్రి రోజా.. ఈ వ్యవహారంపై సుప్రీంకోర్టు వెళ్తానని చెప్పారు. బండారుపై క్రిమినల్, సివిల్ పరువునష్టం దావాలు వేస్తానని రోజా తెలిపారు. ఇక రోజా తాజాగా ఓ కార్యక్ర‌మానికి ఆలీతో కలిసి హాజ‌రైంది. ఆ స‌మ‌యంలో చాలా మంది జనాలు అక్క‌డికి చేరుకోవ‌డంతో ఆమె సిబ్బంది త‌గు జాగ్ర‌త్త‌లు తీసుకున్నారు. కాని ఒక‌డు స‌డెన్‌గా వ‌చ్చి ఆమెని కొట్టి వెళ్లాడ‌ని, సెక్యూరిటీ అంత అజాగ్ర‌త్త‌గా ఉండ‌డంతో రోజా వారిపై సీరియ‌స్ అయ్యార‌ని టాక్ న‌డుస్తుంది.
