Rohini: జ‌బ‌ర్ధ‌స్త్ రోహిణికి ఆప‌రేష‌న్ స‌క్సెస్.. దాదాపు ప‌ది గంట‌ల పాటు శ్ర‌మించారు..!

Rohini: జ‌బ‌ర్ధ‌స్త్ షోతో తెలుగు ప్రేక్ష‌కుల‌కి చాలా ద‌గ్గ‌రైంది రోహిణి. ముందు పలు టీవీ సీరిలయ్స్ లో నటించిన రోహిణి జబర్ధస్త్ లోకి ఎంట్రీ ఇచ్చి మంచి కామెడీ టైమింగ్ తో బుల్లితెర ప్రేక్షకులను కడుపుబ్బా నవ్వించింది. రోహిణి నటన, మాట్లాడే విధానం తెలుగు ప్రేక్ష‌కుల‌కి బాగా న‌చ్చేశాయి. గతేడాది బంగార్రాజు సినిమాలో హీరోయిన్ కృతి శెట్టి వెంటే ఉండే పాత్రలో నటించింది రోహిణి. వరస సినిమాలు కూడా చేస్తుంది ఈ లేడీ కమెడియన్. అయితే తాజాగా ఈమె సర్జరీ కోసం విజయవాడలోని ఓ ప్రైవేటు హాస్పిటల్‌లో చేరారు. ఈ సందర్భంగా డాక్టర్లు దాదాపు 10 గంటల పాటు ఆపరేషన్ నిర్వహించి ఈమె కాలులో ఉన్న‌ రాడ్‌ను తొలిగించారు. ఈ విషయాన్ని రోహిణి తన యూట్యూబ్ ఛానెల్ వేదికగా చెప్పుకొచ్చింది

ఐదేళ్ల క్రితం రోడ్డు ప్రమాదంలో కాలికి రాడ్ వేశారని.. ఇప్పుడు దాన్ని తీసివేశారని తెలిపింది రోహిణి. ప్రస్తుతం తన పరిస్థితి బాగానే ఉందని.. దేవుడి దయవల్ల అంతా బాగానే జరిగిందని ఈ మేరకు తన యూట్యూబ్ ఛానెల్ వేదికగా చెప్పుకొచ్చింది. యూట్యూబ్ వీడియాలో రోహిణి మాట్లాడుతూ.. ‘ఐదు సంవత్సరాల క్రితం ప్రమాదంలో నా కాలులో రాడ్ వేశారు. ఆ రాడ్ తొలగించుకోవడానికి హైదరాబాద్ లోని ఓ ప్రైవేట్ ఆసుపత్రికి వెళ్లి జాయిన్ అయ్యాను. అయితే రాడ్ స్కిన్ కి బాగా అటాచ్ అయ్యిందని.. తీయడానికి వీలు పడదని వారు అన్నారు.

అయితే యాక్సిడెంట్ అయినపుడు చికిత్స చేసిన డాక్టర్ ని సంప్రదించాను. ఈ క్రమంలోనే నేను సర్జరీ కోసం విజయవాడకు వచ్చాను. సర్జరీ కోసం పదిగంటల పాటు వైద్యులు ఎంతో శ్రమించారు. మొత్తానికి కాలులో ఉన్న రాడ్ ని తొలగించారు. ఆరు వారాల పాటు నన్ను రెస్ట్ తీసుకోవాలని.. కాలుపై ఎలాంటి బరువు పెట్టవొద్దని వారు నాకు సూచించారు. ఆరోగ్యం పూర్తిగా నయం అయిన తర్వాత సెట్ లోకి అడుగుపెడతా’ అని రోహిణి తెలిపింది. మొత్తానికి రోహిణి ఆప‌రేష‌న్ స‌క్సెస్ కావ‌డంతో ఆమె అభిమానుఉలు కూడా సంతోషంగా ఉన్నారు. రీసెంట్‌గా ‘సేవ్ ది టైగర్స్’ వెబ్ సిరీస్‌లో ఈమె నటకు మంచి మార్కులే పడ్డాయి. దీంతో పాటు ఈమె పలు క్రేజీ ప్రాజెక్ట్స్‌లో నటిస్తోంది. ఈమెకు టాలీవుడ్‌లో వరుస అవకాశాలు తలుపులు తడుతున్నాయి