Richa Gangopadhyay : రిచా గంగోపాధ్యాయ్.. ఈ అమ్మ‌డు ఒక‌ప్పుడు తన సినిమాల‌తో ప్రేక్ష‌కుల‌ని తెగ అల‌రించింది. రవితేజ మిరపకాయ్ సినిమా ద్వారా తెలుగు ప్రేక్షకులకు బాగా దగ్గరైన బ్యూటీ రిచా గంగోపాధ్యాయ. లీడర్ సినిమాతో వెండితెరకు ఎంట్రీ ఇచ్చిన ఆమెకు మంచి గుర్తింపు అందించింది మాత్రం మిరపకాయ్ సినిమా అనే చెప్పాలి.. హరిష్ శంకర్, రవితేజ కలయికలో వచ్చిన సినిమాలో ఆమె ట్రెడిషనల్ అమ్మాయిగా చాలా బ్యూటిఫుల్ గా కనిపించింది. న్యూఢిల్లీకి చెందిన ఈమె ఉన్నత చదువుల కోసం ఆ తర్వాత అమెరికా వెళ్ళి అక్కడి వాతావరణంకు బాగా క‌నెక్ట్ అయింది.
యూఎస్ఏ లో ఉన్న‌ప్పుడే మిస్ ఇండియాకి కూడా పోటీ చేసింది. 2007లో మిస్ ఇండియా యూఎస్ఏ కిరీటం కూడా సొంతం చేసుకుంది. అయితే మొదట్లోనే బాలీవుడ్ ఇండస్ట్రీలో ఆఫర్లు వచ్చినప్పటికీ కూడా ఎక్కువగా తెలుగు ఇండస్ట్రీ పైనే ఫోకస్ చేసింది. 2010లో రానా దగ్గుపాటి మొదటి సినిమా లీడర్ సినిమాతో మొదటిసారి వెండితెరకు ఎంట్రీ ఇచ్చింది. అయితే ఓ సమస్య రిచాని మరీ ఇబ్బంది పెట్టిందట. ఒక సినిమా చేయాలంటే కొన్ని విషయాలలో కాంప్రమైజ్ కావాలి. అలాంటి విషయాలలో రిచా గంగోపాధ్యాయ చాలా బాధ‌ప‌డింద‌ట. ఈ క్ర‌మంలోనే నాగార్జున సరసన నటించిన భాయ్ సినిమా తర్వాత సర్దేసుకొని అమెరికాకి వెళ్లిపోయింది.
2019లో పెళ్లి చేసుకున్న రిచా ఇప్పుడు ఓ బిడ్డకి తల్లిగా ఆనందకరమైన జీవితం గడుపుతోంది. మొదటి సినిమా అనంతరం రిచా గంగోపాధ్యాయ త్వ‌రగానే తెలుగు చిత్ర పరిశ్రమలో మంచి అవకాశాలు అందుకుంది. నాగవల్లి సినిమా అంతగా సక్సెస్ కాకపోయినప్పటికీ ఆ తర్వాత మిరపకాయ్ సినిమా మంచి హిట్ అయింది. అనంతరం ఆమెకు తమిళంలో కూడా అవకాశాలు వచ్చాయి. ఇక మరోసారి రవితేజతో సారొచ్చారు అనే సినిమా చేసింది. ఆ సినిమా అంతగా సక్సెస్ కాలేదు. రిచా 2021లో పండంటి మగ బిడ్డకు జన్మనిచ్చింది. ప్రస్తుతం తన ఫ్యామిలీకి సంబంధించిన ఫోటోలను కూడా సోషల్ మీడియాలో షేర్ చేసుకుంటూ నెటిజ‌న్స్‌ని అలరిస్తూ ఉంది.
