Renu Desai : పవన్ కళ్యాణ్ నుండి విడిపోయిన త‌ర్వాత రేణూ దేశాయ్ పూణే వెళ్లి అక్క‌డ పిల్ల‌ల‌ని చ‌దివించుకుంటూ వారి బాగోగులు చూసుకుంటూ ఉన్నారు. అయితే ఇటీవ‌లి కాలంలో మాత్రం రేణూ దేశాయ్ తెలుగు మీడియాలో ఎక్కువగా కనిపిస్తున్నారు. గతంలో హైదరాబాద్‌కు వచ్చినప్పుడు మాత్రమే కనిపించే రేణు దేశాయ్ ఇప్పుడు తరచూ కనిపిస్తూ తెగ సందడి చేస్తుంది. మోడల్‌గా కెరీర్ ప్రారంభించిన రేణు దేశాయ్, ఆ తరువాత కాస్ట్యూమ్ డిజైనర్‌గా కొన్ని సినిమాలకు పని చేసింది. రేణు దేశాయ్ వర్కింగ్ స్టైల్ నచ్చడంతో దర్శకుడు పూరీ జగన్నాథ్ తన తొలి సినిమాలో హీరోయిన్‌గా ఆఫర్ ఇచ్చారు. ఆ స‌మ‌యంలోనే రేణూ దేశాయ్.. ప‌వ‌న్‌తో ప్రేమ‌లో ప‌డి కొన్నాళ్ల‌పాటు డేటింగ్ చేసి పెళ్లి చేసుకుంది.
పవన్ కళ్యాణ్ నుండి విడిపోయిన త‌ర్వాత పూణేకి వెళ్లిన రేణూ దేశాయ్ ఇండస్ట్రీకి దూరం అయినప్పటికీ సోషల్ మీడియా ద్వారా తన వ్యక్తిగత విషయాలను అభిమానులతో పంచుకుంటూనే ఉంది. రేణు దేశాయ్ చాలాకాలం తరువాత తెలుగు సినిమాలో నటించింది. రవితేజ హీరోగా తాజాగా నటించిన టైగర్ నాగేశ్వరరావు సినిమాలో రేణు దేశాయ్ ఓ ముఖ్య పాత్రలో నటించి రీఎంట్రీ ఇచ్చింది . అయితే ఈ సినిమా బాక్సాఫీస్ వద్ద బొల్తా కొట్టింది. రేణు దేశాయ్ తాజాగా చేసిన ఓ పోస్ట్ సోషల్ మీడియాలో హాట్ టాపిక్‌గా మారింది. బీజేపీ సింబల్‌ను టాటూగా వేయించుకున్న ఫోటోను షేర్ చేసింది. దీంతో రేణూ దేశాయ్ బీజేపీకి మద్దతు ఇస్తోన్నట్టుగా అర్థం అవుతోంది.
మాటల కంటే ఫోటోలే ఎక్కువగా మాట్లాడుతుంటాయ్ అని ఓ పోస్ట్ వేసిన రేణూ దేశాయ్.. ఇలా తన చేతిపై వేయించుకున్న టాటూని చూపించింది. మౌనం పరం శీలం అంటూ టాటూని వేయించుకుంది. ఇక ఇందులోనే బీజేపీ సింబల్ అయిన కమలం పువ్వుని వేయించుకుంది. అంటే ఆమె బీజేపీకే మద్దతు ఇస్తున్నట్టుగా చెప్పకనే చెప్పేసిందంటూ నెటిజన్లు కామెంట్లు పెడుతున్నారు. ఇక ఈ పోస్ట్ చూసి జన సైనికులు, పవన్ కళ్యాణ్ ఫ్యాన్స్ సైతం ఫుల్ ఖుషీ అవుతున్నారు. ఈ ఎన్నికల్లో మోడీ, బీజేపీకి సపోర్ట్ ఇస్తున్నాను, ఏపీలో కూటమికే సపోర్ట్ ఇస్తున్నట్టు రేణూ దేశాయ్ ఎక్కడా క్లియర్‌గా చెప్పలేదు. కానీ నెటిజన్లు మాత్రం ఆ టాటూని, ఆ కమలం గుర్తుని చూసి ఎవ‌రికి న‌చ్చిన‌ట్టు వారు ఊహించుకుంటున్నారు.
