Redmi A1 Plus : మొబైల్స్ త‌యారీ సంస్థ షియోమీ.. రెడ్‌మీ సిరీస్‌లో మ‌రో కొత్త స్మార్ట్ ఫోన్‌ను విడుద‌ల చేసింది. రెడ్‌మీ ఎ1ప్ల‌స్ పేరిట విడుద‌లైన ఈ ఫోన్‌లో ప‌లు ఆక‌ట్టుకునే ఫీచ‌ర్ల‌ను అందిస్తున్నారు. అలాగే ధ‌ర కూడా త‌క్కువ‌గానే ఉండ‌డం విశేషం. ఈ ఫోన్‌లో 6.52 ఇంచుల హెచ్‌డీ ప్ల‌స్ రిజ‌ల్యూష‌న్ క‌లిగిన ఎల్‌సీడీ డిస్‌ప్లేను ఏర్పాటు చేశారు. దీనికి స్క్రాచ్ రెసిస్టెంట్ ప్రొటెక్ష‌న్‌ను అందిస్తున్నారు. అలాగే ఈ ఫోన్‌లో 2 గిగాహెడ్జ్ క్వాడ్ కోర్ మీడియాటెక్ హీలియో ఎ22 ప్రాసెస‌ర్‌ను అమ‌ర్చారు.
ఈ ఫోన్ 2/3 జీబీ ర్యామ్‌, 32 జీబీ స్టోరేజ్ ఆప్ష‌న్‌లో విడుద‌లైంది. మెమొరీని కార్డు ద్వారా 512 జీబీ వ‌ర‌కు పెంచుకోవ‌చ్చు. అలాగే డ్యుయ‌ల్ సిమ్‌ల‌ను వేసుకోవ‌చ్చు. ఆండ్రాయిడ్ 12 గో ఎడిష‌న్‌ను అందిస్తున్నారు. ఇక వెనుక వైపు 8 మెగాపిక్స‌ల్ కెమెరా ఉండ‌గా.. ముందు వైపు 5 మెగాపిక్స‌ల్ కెమెరాను ఏర్పాటు చేశారు. ఫింగ‌ర్ ప్రింట్ సెన్సార్ వెనుక భాగంలో ఉంది. ఎఫ్ఎం రేడియో, డ్యుయ‌ల్ 4జి వీవోఎల్‌టీఈ, బ్లూటూత్ 5.0 వంటి ఫీచ‌ర్లు కూడా ఈ ఫోన్‌లో ల‌భిస్తున్నాయి. ఇక ఇందులో 5000 ఎంఏహెచ్ భారీ కెపాసిటీ గ‌ల బ్యాట‌రీ ల‌భిస్తుంది. దీనికి ఫాస్ట్ చార్జింగ్ స‌పోర్ట్‌ను అందిస్తున్నారు.
రెడ్‌మీ ఎ1ప్ల‌స్ స్మార్ట్ ఫోన్ లైట్ బ్లూ, బ్లాక్‌, లైట్ గ్రీన్ క‌ల‌ర్ ఆప్ష‌న్‌ల‌లో విడుద‌ల కాగా ఈ ఫోన్‌కు చెందిన 2జీబీ ర్యామ్‌, 32 జీబీ స్టోరేజ్ మోడ‌ల్ ధ‌ర రూ.7,499గా ఉంది. అలాగే 3జీబీ ర్యామ్‌, 32జీబీ స్టోరేజ్ మోడ‌ల్ ధ‌ర రూ.8,499గా ఉంది. అయితే లాంచింగ్ ఆఫర్ కింద ఈ ఫోన్‌ను రూ.6,999, రూ.7,999 ధ‌ర‌ల‌కు అందిస్తున్నారు. ఈ ఆఫర్ అక్టోబ‌ర్ 31వ తేదీ వ‌ర‌కు మాత్ర‌మే ఉంటుంది. ఇక ఈ ఫోన్‌ను ఫ్లిప్‌కార్ట్‌తోపాటు ఎంఐ ఆన్‌లైన్ స్టోర్‌, ఎంఐ హోమ్ స్టోర్‌, ఇత‌ర ఆఫ్‌లైన్ స్టోర్స్‌లో విక్ర‌యిస్తున్నారు.
