RCB In Play Offs : గ‌త 16 సీజ‌న్స్‌గా ఐపీఎల్ ఆడుతున్న ఆర్సీబీ ఒక్క‌సారి కూడా క‌ప్ కొట్టింది లేదు. ఈ సారైన క‌ప్ కొడుతుందా అంటే క‌ష్ట‌మేనంటున్నారు విశ్లేష‌కులు. ఇప్పుడు ఆ జ‌ట్టు ప్లేఆఫ్స్‌కి వెళ్ల‌డం కూడా క‌ష్టంగానే ఉంది. ప్లే ఆఫ్స్‌ రేసులో నిలవాలంటే కచ్చితంగా గెలవాల్సిన మ్యాచ్‌లో ఆర్సీబీ అదరగొట్టింది. పంజాబ్‌ కింగ్స్‌ను 60 పరుగుల తేడాతో చిత్తు చేస్తూ.. విజయభేరి మోగించ‌డంతో పాయింట్ల పట్టిక మరింత రసవత్తరంగా మారింది. ఇప్పటికే రెండు టీమ్స్ ప్లే ఆఫ్స్‌ రేసు నుంచి తప్పుకున్నా.. ప్లే ఆఫ్స్‌కు వెళ్లే టీమ్స్ ఏవో ఇంకా ఒక క్లారిటీ రాని పరిస్థితి. ఇప్పటి వరకు ఒక్క టీమ్‌ కూడా ప్లే ఆఫ్స్‌కు అధికారికంగా చేరుకోలేదు. కానీ, పంజాబ్‌పై ఆర్సీబీ ఘన విజయంతో నిన్నటి వరకు ఉన్న లెక్కలు కాస్త మారియి.
కోల్‌కత్తా నైట్‌ రైడర్స్‌ 11 మ్యాచ్‌ల్లో 8 విజయాలతో 16 పాయింట్లు సాధించి.. నంబర్‌ వన్‌ ప్లేస్‌లో ఉండ‌గా, రెండో స్థానంలో రాజస్థాన్ రాయల్స్‌ కూడా 11 మ్యాచ్‌ల్లో 8 విజయాలతో 16 పాయింట్లు సాధించి ఉంది. ఈ రెండు టీమ్స్ దాదాపు ప్లే ఆఫ్స్‌కి వెళ్లిన‌ట్టే. ఆ రెండు జ‌ట్లు మూడు మ్యాచ్‌లు ఆడాల్సి ఉండ‌గా, అందులో ఒక్క‌టి గెలిచిన ప్లే ఆఫ్స్‌కి వెళ‌తాయి. మిగిలిన రెండు స్థానాల కోసం సన్‌రైజర్స్‌ హైదరాబాద్‌, చెన్నై సూపర్‌ కింగ్స్‌, ఢిల్లీ క్యాపిటల్స్‌, లక్నో సూపర్‌ జెయింట్స్‌, ఆర్సీబీ టీమ్స్ ప్లే ఆఫ్స్‌ రేసులో ఉన్నాయి. ఈ ఐదు టీమ్స్‌లో కూడా ఎస్‌ఆర్‌హెచ్‌కు మెరుగైన అవకాశాలు ఉన్నాయి. రెండు మ్యాచ్ లు ఆడాల్సి ఉండ‌గా ఒక్క‌టి గెలిచిన ప్లే ఆఫ్స్‌కి వెళుతుంది.
ఇక ఆర్సీబీ ప్లే ఆఫ్ కి వెళ్లాలంటే మిగిలిన రెండు మ్యాచ్‌ల్లోనూ కచ్చితంగా గెలిచి తీరాలి. ఒక్క మ్యాచ్ ఓడినా.. టోర్నీ నుంచి నిష్క్రమిస్తుంది. ఒక వేళ రెండు మ్యాచ్‌లో గెలిచినా.. ఇతర టీమ్స్ ఫలితాలపై ఆధారపడాలి. టాప్‌ 3లో ఉన్న కేకేఆర్, రాజస్థాన్, ఎస్ఆర్హెచ్.. తమ మిగిలి ఉన్న అన్ని మ్యాచ్‌లు గెలిచి, ఆర్సీబీ మిగిలిన రెండు మ్యాచ్‌లు గెలిస్తే.. ఆర్సీబీ నాలుగో స్థానంలో ప్లే ఆఫ్స్‌కు చేరుకుంటుంది. గుజ‌రాత్, రాజస్థాన్ త‌ప్ప‌నిస‌రిగా చెన్నైని ఓడించాలి. ముంబై ల‌క్నోని ఓడించాల్సి ఉంటుంది. ఇక కేకేఆర్..ఎస్ఆర్హెచ్ టీమ్స్ జీటీని ఓడించాలి. లేదంటే స్వ‌ల్ప తేడాతో నెగ్గితే ఆర్సీబీ ప్లే ఆఫ్స్‌కి వెళ్లే అవ‌కాశం ఉంటుంది.
