Rashmika Mandanna : కొద్ది రోజుల క్రితం రజనీకాంత్..యూపీ సీఎం యోగి ఆదిత్యనాథ్ కాళ్లకు నమస్కరించ‌డంతో ఈ విషయం వివాదాస్ప‌దం అయింది. తనకంటే చిన్నవాడైన ఆదిత్యనాథ్ కాళ్లకు రజనీకాంత్ మొక్కడమేంటని దారుణంగా విమ‌ర్శించారు. ఈ క్ర‌మంలో రజనీకాంత్ వివ‌ర‌ణ ఇవ్వ‌క త‌ప్ప‌లేదు. ఆదిత్యనాథ్ ఒక యోగి. అందుకే నేను కాళ్లకు నమస్కరించానని అన్నారు. ఇక తాజాగా రష్మిక కాళ్లు ఆమె మేక‌ప్ అసిస్టెంట్ సాయి మొక్క‌డంతో ఆమెని కూడా దారుణంగా విమ‌ర్శిస్తున్నారు రష్మికను చూసిన అసిస్టెంట్ సాయి సతీసమేతంగా కాళ్ళకు మొక్కాడు. రష్మిక కొంచెం ఇబ్బందిపడుతూనే వారిని ఆశీర్వదించింది. ఎంత అసిస్టెంట్ అయితే మాత్రం పెళ్లి కానీ అమ్మాయి కాళ్లు మొక్కడం ఏంటంటూ కామెంట్స్ వినిపిస్తున్నాయి.
పెళ్లి కాని 27 ఏళ్ల రష్మిక కాళ్లు ఆమె అసిస్టెంట్ అయితే మొక్కాలా అంటూ కొంద‌రు ఆగ్ర‌హం వ్య‌క్తం చేస్తున్నారు. అయితే రష్మిక వ‌ద్ద‌న్నా కూడా వారు ఆమె కాళ్లు మొక్కారు అంటే రష్మిక ఎంతో సాయం చేసి వారిని ఆదుకొని ఉంటుందంటూ కొంద‌రు చెప్పుకొస్తున్నారు. ఆమె కావాలని కాళ్ళు మొక్కించుకోలేదు. ఈ విషయంలో రష్మికను తప్పుబట్టాల్సింది లేదని… పలువురు కామెంట్స్ చేస్తున్నారు. రష్మిక మందన్నా పెళ్లిలో ఆరెంజ్‌ శారీలో మెరిసింది. ఇందులో కలర్‌ ఫుల్‌ అందంతో కట్టిపడేస్తుందీ నేషనల్‌ క్రష్‌. ఆరెంజ్‌ శారీలో రష్మిక సందడంతా తన వద్దే ఉందనేట్టుగా చేసింది. దీంతో ఆమె లుక్స్ ఇప్పుడు వైరల్‌గా మారాయి.
ఇక రష్మిక మందన్నా వరుసగా పాన్‌ ఇండియా చిత్రాలతో బిజీగా ఉంది. ఆమె తెలుగులో అల్లు అర్జున్‌తో `పుష్ప2` చిత్రంలో నటిస్తున్న విషయం తెలిసిందే. సుకుమార్‌ దర్శకత్వం వహిస్తున్న ఈ సినిమా ప్రస్తుతం శరవేగంగా చిత్రీకరణ జరుపుకుంటుంది. ఇందులో రష్మిక పాత్ర మధ్యలోనే ముగుస్తుందనే వార్తలొస్తున్నాయి. నిజం ఏంటనేది చూడాలి. ఇక రష్మిక హిందీలో `యానిమల్‌` చిత్రంలో నటిస్తుంది. సందీప్‌రెడ్డి వంగా దర్శకత్వం వహిస్తున్న ఈ చిత్రంలో రణ్‌బీర్‌ కపూర్‌ హీరోగా నటిస్తుంది.. ఈ సినిమా డిసెంబర్‌లో రిలీజ్‌ కాబోతుంది. భారీ యాక్షన్‌ థ్రిల్లర్‌గా ఈ మూవీ తెరకెక్కుతుంది. దీంతో మరోసారి పాన్‌ ఇండియా లెవల్‌లో రచ్చ చేయబోతుంది రష్మిక. తెలుగులో `రెయిన్‌బో` అనే లేడీ ఓరియెంటెడ్‌ మూవీ చేస్తుంది. ధనుష్‌తో ఢీ51 మూవీ చేస్తుంది. శేఖర్‌ కమ్ముల దర్శకత్వంలో ఈ మూవీ తెరకెక్కబోతుంది. ఇందులో నాగార్జున కీలక పాత్రలో నటిస్తుండటం విశేషం.
https://youtube.com/watch?v=PVxQoDPNF0I
