Rashmika Mandanna : ర‌ష్మికకు నోటి దూల చాలా ఉందే.. మ‌ళ్లీ వివాదంలో ఇరుక్కుందిగా..

Rashmika Mandanna : కూర్గ్ భామ రష్మిక మందన్న తెలుగు సినిమాల‌తో మంచి పాపుల‌రాటీ అందుకొని ప్ర‌స్తుతం బాలీవుడ్ లో హ‌డావిడి చేస్తుంది. ఛలో సినిమాతోటాలీవుడ్ ఎంట్రీ ఇచ్చి కుర్రకారు హృదయాలను దోచుకున్నారు. ఇక ఆ తర్వాత విజయ్‌తో గీతా గోవిందం, డియర్ కామ్రెడ్ వంటి సినిమాలు చేశారు. తన నటనతో పాటు అందచందాలతో తెలుగు వారిని గత కొన్ని సంవత్సరాలుగా అలరిస్తున్నారు. అయితే ర‌ష్మిక ఇటీవ‌ల ప‌లు వివాదాల‌తో హాట్ టాపిక్‌గా నిలుస్తుంది. బాలీవుడ్ మూవీ మిషన్ మజ్ను ప్రమోషనల్ ఈవెంట్లో రష్మిక అనాలోచిత వ్యాఖ్యలు చేశారు. ఓ విషయంలో బాలీవుడ్ తో సౌత్ ఇండస్ట్రీని పోల్చుతూ తక్కువ చేసి మాట్లాడారు.

రష్మిక మాట్లాడుతూ.. రొమాంటిక్ సాంగ్స్ అనగానే బాలీవుడ్ గుర్తుకు వస్తుంది. చిన్నప్పటి నుండి నేను బాలీవుడ్ రొమాంటిక్ సాంగ్స్ వింటూ పెరిగాను. సౌత్ చిత్రాల్లో ఈ తరహా రొమాంటిక్ సాంగ్స్ ఉండవు. అక్కడంతా మాస్ మసాలా ఐటెం సాంగ్స్ మాత్రమే ఉంటాయి. ఇది నా కెరీర్ లో బెస్ట్ రొమాంటిక్ సాంగ్ అని… మిషన్ మజ్ను మూవీలో సాంగ్ ని ఉద్దేశిస్తూ అన్నారు. త్‌లో ఎక్కువగా మాస్ మసాలా, ఐటెమ్ సాంగ్స్‌ ఉంటాయని తెలిపుతూ.. కమర్షియల్ హంగులే ఎక్కువగా ఉంటాయంటూ సౌత్ ఇండస్ట్రీని తక్కువ చేసి మాట్లాడ‌డంతో ఇప్పుడు ఆమెపై టాలీవుడ్ ప్రేక్ష‌కులు గ‌రంగా ఉన్నారు.

శ్రావ్యమైన సంగీతం అంటే ఏమిటో సౌత్ ఇండియా ప్రేక్షకులకు తెలియదు. మ్యూజిక్ డైరెక్టర్స్ వినసొంపైన సంగీతం ఇవ్వ‌రు అనే విధంగా కూడా ఆమె వ్యాఖ్య‌లు ఉన్నాయి. బాలీవుడ్ మ్యూజిక్ ఇష్టం అయితే… వారిని పొగడటంలో ఎలాంటి తప్పు లేదు. ఆ పేరుతో సౌత్ మ్యూజిక్ ని దిగజార్చి మాట్లాడాల్సిన అవసరం లేదు అని నెటిజ‌న్స్ తిట్టి పోస్తున్నారు. నువ్వు కన్నడ నుంచి తెలుగు, తమిళ చిత్రాల్లో నటిస్తున్న సమయంలో కన్నడ చిత్రాలను తక్కువ చేసి మాట్లాడావు, ఇక ఇప్పుడు హిందీ సినిమాలలో నటించేటప్పటికి సౌత్ ఇండస్ట్రీని తక్కువ చేసి మాట్లాడుతున్నావ్. ఇది నీకు కరెక్ట్ కాదని, నోటి దూల కొంచెం త‌గ్గించుకుంటే మంచిద‌ని ఓ రేంజ్ లో ట్రోల్ చేస్తున్నారు.