Rashmika Mandanna : ప్రస్తుతం టాలీవుడ్ టాప్ హీరోయిన్స్‌లో రష్మిక ఒక‌రు. టాలెంటెడ్ హీరోయిన్ గా తనకంటూ ఒక ప్రత్యేకమైన స్టార్ ఇమేజ్ ను సంపాదించుకున్న రష్మిక మందన చూస్తూ ఉండగానే పాన్ ఇండియా స్టార్ హోదాను కూడా అందుకుంది. ఇప్పుడు ఆమె తెలుగు, త‌మిళం, హిందీ భాష‌ల‌లో వ‌రుస సినిమాల‌ల‌లో చేస్తూ ఫుల్ బిజీగా ఉంది. పుష్ప 2తో ఈ భామ నేషనల్ క్రష్‌గా మారిపోయింది. రష్మిక న‌టించిన బాలీవుడ్ చిత్రం గుడ్ బై త్వ‌ర‌లోనే విడుద‌ల కానుంది. ఈ క్ర‌మంలో మూవీ ప్ర‌మోష‌న్ కార్య‌క్ర‌మాలు జోరుగా సాగుతున్నాయి.
మంగళవారం ముంబైలో జరిగిన గుడ్ బై ట్రైలర్ లాంచ్ కార్యక్రమంలో రష్మిక పాల్గొంది. ఈ సందర్భంగా గ్లామరస్ అవుట్ ఫిట్స్ లో తన స్పైసీ అప్పీయరన్స్ తో అందరి దృష్టిని ఆకర్షించింది. కోటు టైప్ ష్రగ్ టాప్ తో మల్టీ-కలర్ ప్రింటెడ్ లెహంగా ధరించి అద్భుతంగా కనిపించింది. రష్మిక లేటెస్ట్ ఫోటోలు ఇప్పుడు వైరల్ అవుతున్నాయి. అయితే అదే డ్రెస్ లో ప్రసిద్ధ లాల్ బాగ్చా వినాయకుడి ఆశీస్సులు తీసుకోవడం సోషల్ మీడియాలో కొంత చర్చకు దారితీసింది. అందాలు క‌నిపించేలా డ్రెస్ ధరించి వినాయ‌కుని ఆశీస్సులు అందుకోవ‌డానికి వెళ్లడంపై నెటిజ‌న్స్ మండిప‌డుతున్నారు.
రష్మిక ఇటీవ‌ల తన డ్రెస్సింగ్ వ‌ల‌న నెటిజ‌న్స్ ఆగ్ర‌హానికి గుర‌వుతుంది. పొట్టి పొట్టి దుస్తులు ధరించి నానా ఇబ్బందులు పడుతున్న నేప‌థ్యంలో ఆమెని తెగ ఆడేసుకుంటున్నారు. ఆ మ‌ధ్య పొట్టి దుస్తుల‌లో రష్మిక క‌నిపించే స‌రికి దుస్తులు వేసుకోవడం పూర్తిగా మరిచావా ఏంటి అంటూ చాలా మంది చాలా రకాలుగా ట్రోల్ చేశారు. ఏదేమైన నేషనల్ క్రష్ గా ప్రస్తుతం మంచి డిమాండ్ ఏర్పరచుకున్న రష్మిక మందన్న ఎలాంటి సినిమా చేసిన కూడా బాక్సాఫీస్ వద్ద మినిమం సక్సెస్ అవుతుంది. మొదటినుంచి కూడా ఈ బ్యూటీకి అదృష్టం బాగా కలిసి వస్తుంది అనే చెప్పాలి.
