Rashmika Mandanna : సినిమాలతో పాటు సోష‌ల్ మీడియాలోను హాట్ టాపిక్‌గా నిలుస్తుంది అందాల ముద్దుగుమ్మ రష్మిక. పుష్ప సినిమాతో సూపర్ పాపులారిటీ సంపాదించుకున్న రష్మిక కొన్ని రోజులుగా నెట్టింట డిఫరెంట్‌ గెటప్స్‌లో కనువిందు చేస్తూ సంద‌డి చేస్తుంది. రణ్ బీర్‌ కపూర్ టైటిల్‌ రోల్‌లో నటించిన యానిమల్‌లో ఫీ మేల్‌ లీడ్‌ రోల్‌లో నటించింది రష్మిక మందన్నా నేడు ఈ చిత్రంతో ప్రేక్ష‌కుల‌ని ఎంత‌గానో అల‌రించింది. ఈ సినిమాకి మంచి టాక్ వ‌స్తున్న నేప‌థ్యంలో రష్మిక సంతోషంగానే ఉంది. ఇక ఇదిలా ఉంటే రష్మిక, విజయ్ దేవరకొండ గ‌త కొద్ది రోజులుగా తెగ వార్త‌ల‌లో నిలుస్తున్నారు.
రష్మిక మందన్నా, విజయ్ దేవరకొండ గీతగోవిందం, డియర్ కామ్రేడ్‌ సినిమాలతో హిట్‌ పెయిర్‌గా నిలిచారు. ఆఫ్ స్క్రీన్‌లో కూడా మంచి అనుబంధాన్ని కొనసాగిస్తారని ప్రత్యేకించి చెప్పనవసరం లేదు. విజయ్ దేవరకొండ ఫ్యామిలీతో కూడా సూపర్ బాండింగ్ కొనసాగిస్తుంది రష్మిక. కాగా ఎప్పటికప్పుడు నెటిజన్లు, మూవీ లవర్స్‌లో టాక్ ఆఫ్ ది టౌన్‌గా నిలుస్తుంటారు రష్మికా-విజయ్ దేవరకొండ. మొన్నటికి మొన్న బాలయ్య అన్ స్టాపబుల్ షోలో రష్మిక, విజయ్ ఫోన్ కాల్.. రణ్‌బీర్ చెప్పిన సీక్రెట్లు, రష్మిక కోపడ్డ తీరు అందరికీ తెలిసిందే. హాయ్ నాన్న ప్రీ రిలీజ్ ఈవెంట్లో విజయ్, రష్మిక ఫోటోలు వాడటంపైనా చ‌ర్చ‌లు జ‌రిగాయి.
అయితే విజయ్ దేవరకొండ హోం బ్రాండ్ రౌడీ వేర్ కు మార్కెట్‌లో ఏ రేంజ్‌లో పాపులారిటీ ఉంటుందో తెలిసిందే. ఇప్పుడిదే రౌడీ వేర్‌లో కనిపించి నెట్టింట టాక్ ఆఫ్ ది టౌన్‌గా నిలుస్తోంది రష్మిక . స్టైలిష్ బ్లాక్ గాగుల్స్‌ పెట్టుకున్న రష్మిక మందన్నా రౌడీ వేర్ బ్రాండ్ హుడీ వేసుకొని..ఎయిర్‌పోర్టులో క‌నిపించ‌గా, ఏంటీ సంగతి అంటూ తెగ ప్రశ్నల వర్షం కురిపిస్తున్నారు నెటిజన్లు.మ‌రోవైపు అదే టైపు టీష‌ర్ట్‌తో విజయ్ దేవరకొండ ఓటు వేయ‌డం ప్రాధాన్యత సంత‌రించుకుంది. ఇద్ద‌రు ఒకే టైపు టీష‌ర్ట్‌లో సంద‌డి చేయ‌డం ఇప్పుడు అంత‌టా హాట్ టాపిక్‌గా మారింది.
