సినిమా సెల‌బ్రిటీలు అయిన‌ప్ప‌టికీ వారికి కూడా కొన్ని సెంటిమెంట్స్ ఉంటాయి. వారు కూడా కొన్ని జాత‌కాల‌ని న‌మ్ముతూ పూజలు చేస్తూ ఉంటారు. ఈ క్ర‌మంలో ప్ర‌ముఖ జ్యోతిష్యుడు వేణు స్వామితో రీసెంట్‌గా ఇస్మార్ట్ శంక‌ర్ హీరోయిన్ రాజ శ్యామల హోమం చేయించుకుంది. నిధి అగర్వాల్ కి అందం, అభిన‌యం రెండు ఉన్నాయి. కానీ ఏవీ కలిసి రావట్లేదు. పవన్ కళ్యాణ్, ప్రభాస్ కొత్త సినిమాల్లో ఆమె హీరోయిన్ గా నటిస్తోంది. అంత హై ప్రొఫైల్ సినిమాలు తన ఖాతాలో ఉన్నా రావాల్సిన గుర్తింపు రావట్లేదు. ఆ పెద్ద సినిమాలు ఎప్పుడు విడుదల అవుతాయో తెలియదు.
అందుకే విఘ్నాలు తొలగి జెట్ స్పీడ్ గా తన కెరీర్ దూసుకుపోవాలని కోరుకుంటూ ఆమె రాజ శ్యామల పూజ నిర్వహించింది. సెలెబ్రిటీలకు పూజలు చెయ్యడంలో పేరొందిన వేణు స్వామి నిధి పేరుతో పూజలు చేయ‌గా, అందుకు సంబంధించిన ఫొటోలునెట్టింట వైర‌ల్‌గా మారాయి. ఈ క్ర‌మంలో స్టార్ హీరోయిన్స్ ఎందుకు రాజ శ్యామల హోమం చేస్తున్నార‌న్న విష‌యం చ‌ర్చ‌కు వ‌చ్చింది. కొన్ని నెలల ముందు, సమంతా హైదరాబాద్‌లోని తన నివాసంలో 12 మంది పూజారులతో రాజ శ్యామల హోమం నిర్వహించింది. ఆమె కొన్ని దేవాలయాలు మరియు ఇతర ప్రదేశాలలో ఇతర హోమాలు కూడా చేసింది.
ఆ తర్వాత రష్మిక రాజ శ్యామల హోమం చేయడానికి హైదరాబాద్ నుండి కర్నాటకకు వెళ్లిన‌ట్టు ప్ర‌చారం జ‌రిగింది.ఇదే హోమం కోసం కృతి సనన్, పూజా హెగ్డే వంటి మరికొందరు స్టార్ హీరోయిన్లు వరుసలో ఉన్నారని వార్తలు వస్తున్నాయి. అయితే వారు ఇలా చేయడానికి కార‌ణం వారి వృత్తిలో విజయవంతమైన ఫలితాలను చూస్తార‌ని, శత్రువుల నుండి రక్షించబడుతుందని నమ్ముతారు. ఇటీవ‌ల పూజా పెద్ద‌మ్మ ఆల‌యంలో ఈ పూజా హోమం నిర్వ‌హించిన‌ట్టు కూడా వార్తలు వ‌చ్చాయి.. చూడాలి మ‌రి రానున్న రోజుల‌లో ఇంకెంత‌మంది ఈ పూజలు చేస్తారో.
