Ranbir Kapoor : బాలీవుడ్ చాక్లెట్ హీరో రణబీర్ కపూర్ గురించి ప్ర‌త్యేక ప‌రిచ‌యాలు అక్క‌ర్లేదు. ఎన్నో వైవిధ్య‌మైన సినిమాల‌తో ప్రేక్ష‌కుల‌ని అల‌రించిన రణ్బీర్ కపూర్ రీసెంట్‌గా యానిమల్ సినిమాతో ప్రేక్ష‌కుల‌ని ప‌ల‌క‌రించాడు. సందీప్ రెడ్డి వంగా ద‌ర్శ‌క‌త్వంలో తెర‌కెక్కిన ఈ సినిమాలో రష్మిక క‌థానాయిక‌గా నటించింది. చిత్రం సూప‌ర్ హిట్ కావ‌డంతో పాటు రణ్బీర్ న‌ట‌న‌కి మంచి మార్కులు ప‌డ్డాయి. త్రిప్తి దిమ్రి ఈ చిత్రంలో ముఖ్య పాత్రలో కనిపించి యువతను బాగా ఆకట్టుకుంది. ఈ చిత్రం విడుదలైన దగ్గర నుంచి ఎన్నో ప్రశంసలు వాటితో పాటు ఎన్నో విమర్శలు కూడా తెచ్చుకుంది. కొంతమంది ఈ చిత్రాన్ని ఆకాశానికి ఎత్తగా మరి కొంతమంది పాతాళానికి తోసేలా విమర్శలు కురిపించారు.
అయితే ఎవరు ఏమన్నా కలెక్షన్స్ పరంగా మాత్రం ఈ సినిమా బాక్సాఫీస్ దగ్గర సెన్సేషన్ క్రియేట్ చేసింది. మొదటి రోజు నుంచే భారీగా వసూళ్లు సాధించిన ఈ చిత్రం ఫైనల్ రన్ లో 800 కోట్ల క్లబ్బులో చేరింది. నాన్న సెంటిమెంట్, లవ్, పవర్ ఫుల్ యాక్షన్ సీన్స్ తో యానిమల్ సినిమా అందర్నీ అబ్బురపరిచింది.యానిమల్ సినిమా ఇంతటి భారీ విజయం సాధిచడంతో చిత్రయూనిట్ ముంబైలో నిన్న రాత్రి భారీ పార్టీ నిర్వహించింది. ఈ పార్టీకి యానిమల్ చిత్ర యూనిట్ తో పాటు బాలీవుడ్ స్టార్స్ కూడా విచ్చేశారు. రణబీర్ తన భార్య ఆలియాతో కలిసి వచ్చాడు. అలాగే మహేష్ భట్, నీతూ కపూర్, రష్మిక మందన్న, తమన్నా, త్రిప్తి దిమ్రి, బాబీ డియోల్, మానుషీ చిల్లర్, హిమేష్ రేష్మియా, ఆర్జీవీ, జెనీలియా, రితేష్ దేశ్‌ముఖ్.. ఇంకా అనేకమంది బాలీవుడ్ సెలబ్రిటీలు యానిమల్ సక్సెస్ పార్టీకి వచ్చి సందడి చేశారు.
దీంతో యానిమల్ సక్సెస్ పార్టీ ఫోటోలు, వీడియోలు ప్రస్తుతం సోషల్ మీడియాలో వైరల్ గా మారాయి. అయితే ఓ విష‌యంలో రణ్బీర్ కపూర్, అలియా భట్ తండ్రి మహేష్ భట్ గొడ‌వ ప‌డుతున్న‌ట్టు క‌నిపించింద‌ని, వారు అలా గొడ‌వ ప‌డ‌డానికి కార‌ణం ఏమై ఉంటుంద‌ని నెటిజ‌న్స్ ముచ్చ‌టించుకుంటున్నారు. ప్రస్తుతం ఈ వీడియో నెట్టింట తెగ హ‌ల్‌చ‌ల్ చేస్తుండ‌గా, ఇందులో అలియా భట్ లుక్ చూసి కూడా కొంద‌రు మంత్ర ముగ్ధులు అవుతున్నారు.
