Ram Gopal Varma : ఇటీవల రామ్ గోపాల్ వర్మ సినిమాల క‌న్నా రాజ‌కీయాల‌పైనే ఎక్కువ దృష్టి పెడుతున్నారు. ముఖ్యంగా వైసీపీని విమ‌ర్శించే వారిపై విమ‌ర్శ‌నాస్త్రాలు సంధిస్తున్నారు. ప‌వ‌న్ క‌ళ్యాణ్‌, నారా లోకేష్, చంద్ర‌బాబులపై తనదైన శైలిలో విమ‌ర్శ‌లు గుప్పిస్తున్నారు. ఇప్పుడు వ్యూహం అనే పేరుతో సినిమా కూడా చేస్తున్నారు. ఇందులో లోకేష్‌తో పాటు ప‌వ‌న్, చంద్ర‌బాబుల‌ని విమ‌ర్శించ‌బోతున్నారు.అయితే దీనిపై నారా లోకేష్ స్పందిస్తూ వ‌ర్మ‌ని థర్డ్ గ్రేడ్ అంటూ విమ‌ర్శించారు. దీనిపై రామ్ గోపాల్ వర్మ స్పందిస్తూ.. ఆస‌క్తిక‌ర వ్యాఖ్యలు చేశారు. లోకేశ్‌.. నేను థర్డ్ గ్రేడా? ఫిఫ్త్‌ గ్రేడా? అన్నది ముఖ్యం కాదు.. నా ప్రశ్న ఏంటంటే.. మా నాన్న ఎక్కడో చిన్న ఉద్యోగం చేసేవారు.
అక్కడి నుంచి నాకు నేనుగా సినిమాల్లోకి వచ్చి డైరెక్షన్‌ చేశానని అన్నారు. హిట్లు తీశాను, ఫ్లాపులు, సూపర్‌ ఫ్లాపులు కూడా తీశాను. మీరేమో చంద్రబాబు నాయుడు అనే పెద్ద నాయకుడికి పుట్టారు. ఆయన మిమ్మల్నే కనాలనుకోలేదు, కానీ మీరు పుట్టారు. దాన్ని బయాలజికల్‌ యాక్సిడెంట్ అంటారని తీవ్ర వ్యాఖ్యలు చేశారు ఆర్జీవీ. మీరేం సాధించారు? నేనేం సాధించాను? అనేది పక్కపక్కనే ఓ జాబితా తయరు చేసుకుని చూసుకోండని అన్నారు. అయినా నేను థర్డ్ గ్రేడ్ అంటే మరి మీరేం గ్రేడో..! మీ తండ్రిని పక్కనపెట్టేస్తే మీరు అరవడం తప్పిస్తే ఏం చేశారు? అనేది నాకింతవరకు అర్థం కాలేదని ఆర్జీవీ చెప్పారు.
మీరు రాజకీయ నాయకులు.. మీ ర్యాలీకి ఎందుకు పర్మిషన్ ఇవ్వలేదో నాకు తెలియదు. ప్రతిరోజు వందల సినిమా షూటింగ్స్‌ జరుగుతాయి. నాకొక్కరికే కాదు, అందరికీ షూటింగ్‌కు అనుమతి ఇస్తారు. షూటింగ్ పర్మిషన్‌కు, మీటింగ్‌ పర్మిషన్‌కు మధ్య సంబంధం ఏంటో అర్థం కావడం లేదని తెలిపారు. కాగా, ఇటీవల రామ్ గోపాల్ వర్మ తీస్తున్న వ్యూహం సినిమా షూటింగ్ ప్రకాశం బ్యారేజ్ పై జరిగింది. వర్మ సినిమాకు పర్మిషన్ ఇస్తారు కానీ, తన పాదయాత్రకు మాత్రం ఎందుకు పర్మిషన్ ఇవ్వలేదని నారా లోకేష్ ఓ ప్రెస్ మీట్ లో ప్రశ్నించారు. ఆ సమయంలోనే ఆయన ఓ థర్డ్ గ్రేడ్ సినిమాలు చేసే డైరెక్టర్ అంటూ సెటైర్లు పేల్చారు. ఆ సెటైర్లకు వర్మ తనదైన శైలిలో కౌంటర్ ఇచ్చారు. అసలు లోకేష్ పుట్టుక ఓ బయలాజికల్ యాక్సిడెంట్ అని అన్నారు.
