Vizag Warriors : ప్ర‌స్తుతం మ‌న‌దేశంలో ఐపీఎల్‌కి ఉన్న డిమాండ్ అంతా ఇంతాకాదు. ప్ర‌తి సీజన్ కూడా ఐపీఎల్ ఎంతో ర‌స‌వత్త‌రంగా సాగుతుంది.అన్ని దేశాల‌కి చెందిన క్రికెట‌ర్స్ ఇందులో పాల్గొన‌డంతో గేమ్ ఆస‌క్తిక‌రంగా ఉంటుంది. ఇక తెలుగు రాష్ట్రాల‌కి సంబంధించి ఇప్పటికే సన్ రైజర్స్ హైదరాబాద్ అనే టీమ్ ఉండ‌గా, ఇప్పుడు ఏపీ నుండి మ‌రో టీమ్ ఐపీఎల్‌లో ఎంట్రీ ఇచ్చేందుకు సిద్ధ‌మ‌వుతున్న‌ట్టు తెలుస్తుంది. 2024లో ఐపీఎల్ లో రామ్ చరణ్ ఫ్రాంచైజీ నుంచి వైజాగ్ వారియర్స్ టీమ్ అడుగు పెట్టనుంది. గతేడాది ఐపీఎల్ లో గుజరాత్, లక్నో ఫ్రాంచైజీలు అడుగు పెట్టాయి.
తెలంగాణ నుంచి సన్ రైజర్స్ హైదరాబాద్ టీమ్ ఉంది. కానీ, ఆంధ్రప్రదేస్ నుంచి ఒక్క టీమ్ లేదు కాబ‌ట్టి వైజాగ్ వారియర్స్ పేరిట ఒక కొత్త ఐపీఎల్ టీమ్ తో వచ్చే ఏడాది నుంచి రామ్ చరణ్ ఎంట్రీ ఇవ్వబోతున్నాడు. ఇదిలా ఉంటే ఐపీఎల్ లో ఇప్పటికే వందల కోట్ల పెట్టుబడితో షారుక్ ఖాన్, ప్రీతి జింటా, శిల్పా శెట్టి వంటి వారు ఫ్రాంచైజీ యజమానులుగా రాణిస్తున్న విషయం తెలిసిందే. ఫ్రాంచైజులు సగటను సీజన్ కు రూ. వంద కోట్లకుపైగా స్పాన్సర్ షిప్ ల ద్వారా సంపాదిస్తున్నాయి. అందుకే రామ్ చరణ్ కూడా ఆ దిశగా దృష్టి సారించాడని సమాచారం.జ‌గ‌న్, అంబ‌టి రాయుడు వంటి వారు కూడా రామ్ చ‌ర‌ణ్‌కి ఫుల్ స‌పోర్ట్ అందించ‌నున్న‌ట్టు సమాచారం.
ఇదిలా ఉంటే ఐపీఎల్‌లో ఇప్పుడు కొత్త జట్లకు అవకాశం లేదని తెలుస్తుంది.. గత ఏడాదే రెండు కొత్త ఫ్రాంచైజీలు ఎంట్రీ ఇచ్చాయి. గుజరాత్ టైటాన్స్ , లక్నో సూపర్‌జెయింట్స్ ఫ్రాంచైజీలను బడా వ్యాపారవేత్తలు దక్కించుకున్నారు. గుజరాత్ టీమ్‌ను సీవీసీ క్యాపిటల్స్ , లక్నో టీమ్‌ను సంజీవ్ గోయెంకా టీమ్ వేలంలో కొనుగోలు చేశాయి. దీంతో ఐపీఎల్‌లో జట్ల సంఖ్య పదికి చేరింది. ఇప్పట్లో ఈ సంఖ్యను మరింత పెంచే ఉద్ధేశమైతే బీసీసీఐకి లేన‌ట్టుగా తెలుస్తుంది. మ‌రి త్వ‌ర‌లోనే దీనిపై ఓ క్లారిటీ అయితే రానుంది.
