Ram Charan : పిల్ల‌లు పుట్ట‌లేద‌ని మ‌మ్మ‌ల్ని చాలా మంది హేళ‌న చేశారు.. రామ్ చ‌ర‌ణ్ ఎమోష‌న‌ల్..

Ram Charan : మెగా ప‌వ‌ర్ స్టార్ రామ్ చ‌ర‌ణ్‌, ఉపాస‌న దంప‌తులు 11ఏళ్ల త‌ర్వాత పండంటి బిడ్డ‌కు జ‌న్మ‌నిచ్చిన విష‌యం తెలిసిందే. జూన్ 20న ఉపాస‌న చిన్నారికి జ‌న్మ‌నివ్వ‌గా, జూన్ 30న ఆ చిన్నారికి క్లింకార అని పేరు పెట్టారు. చిన్నారి రాక‌తో మెగా ఇంట ఆనందం అంతా ఇంతా కాదు. చిన్నారిని పువ్వుల్లో పెట్టుకొని చూసుకుంటున్నారు ఉపాస‌న దంప‌తులు. జూలై 20కి పాప పుట్టి నెల రోజులు కావ‌డం, అలానే అదే రోజు ఉపాస‌న బ‌ర్త్ డే కూడా కావ‌డంతో ఎమోష‌న‌ల్ వీడియో షేర్ చేశాడు రామ్ చ‌ర‌ణ్‌.. క్లీంకార వన్ మంత్ బ‌ర్త్ డేట్ వీడియోను టాలెంటెడ్ ఫిల్మ్ మేక‌ర్‌ జోసెఫ్ ప్ర‌త‌నిక్ డైరెక్ట్ చేసి నిర్మించారు.

ఈ వీడియోలో లెజెండ్రీ యాక్ట‌ర్ మెగాస్టార్ చిరంజీవి, ఆయ‌న సతీమ‌ణి సురేఖా కొణిదెలతో పాటు ఉపాస‌న త‌ల్లిండ్రులు శోభా కామినేని, అనీల్ కామినేని, కుటుంబ స‌భ్యులంద‌రూ ఉన్నారు. క్లీంకార పుట్టిన త‌ర్వాత కుటుంబ స‌భ్యులు, అభిమానులు అంద‌రూ పండుగ చేసుకున్నారు. వీడియోలో రామ్ చ‌ర‌ణ్ మాట్లాడుతూ.. ‘మా పెళ్లై అప్పుడే పదకొండేళ్లు అయిపోయాయి. ఇన్నేళ్ల మా వైవాహిక జీవితంలో ఉపాసన ఎన్నో త్యాగాలు చేసింది. ఈ క్రమంలో చాలామంది మమ్మల్ని వాళ్ల మాటలతో బాధపెట్టారు. పెళ్లై ఇన్నేళ్లైనా ఏం చేస్తున్నారు?అని ఇబ్బంది పెట్టేవాళ్లు.

దానివల్ల మేమ చాలా ఒత్తిడికి గురయ్యాం. ఏదైనా సరైన టైంలో జరుగుతుందని నేను నమ్ముతా. ఆ నమ్మకంతోనే క్లింకార సరైన టైంలో మా జీవితాల్లోకి అడుగుపెట్టింది. తనను ఎత్తుకున్న మొదటి క్షణం ఎంతో సంతోషంగా అనిపించింద’ని రామ్ చరణ్ ఎమోషనల్ అయ్యారు. ఇక ఆ వీడియోని చూసిన నెటిజ‌న్స్ అయితే.. కోట్లిచ్చినా పొందలేని ఆనందమంటే ఇదే అంటూ కామెంట్ కూడా చేసారు.ఇక రామ్ చ‌ర‌ణ్ ఉపాస‌న ప్ర‌గ్నెంట్ అప్ప‌టి నుండి కూడా ఇంటి ప‌ట్టునే ఉన్నారు. క్లింకార పుట్టాక తిరిగి షూటింగ్స్ లో పాల్గొంటున్నారు. ప్ర‌స్తుతం గేమ్ ఛేంజ‌ర్ అనే చిత్రం చేస్తున్నాడు.