Ram Charan And Upasana : జూన్ 20 ఉద‌యం 1.49ని.ల‌కు ఉపాసన పండంటి బిడ్డ‌కు జ‌న్మ‌నిచ్చిన విష‌యం తెలిసిందే. ఈ విష‌యం మెగా ఫ్యామిలీతో పాటు మెగా అభిమానుల‌ని, రామ్ చరణ్ స‌న్నిహితుల‌ని కూడా ఎంతో ఆనందింప‌జేసింది. బిడ్డ పుట్టిన‌ప్ప‌టి నుండి ఆ చిన్నారికి సంబంధించిన విష‌యాలు నెట్టింట హ‌ల్చ‌ల్ చేస్తూనే ఉన్నాయి. అయితే ప్రసవం తర్వాత ఉపాసన ఈరోజు హస్పిటల్ నుంచి డిచార్జ్ అయ్యారు. ఈ సందర్భంగా మీడియాతో రామ్ చరణ్ మాట్లాడారు. తన ఆనందాన్ని వ్యక్తం చేస్తూ మాట్లాడిన రామ్ చరణ్ చాలా సంతోషంగా ఉంది అన్నారు.. ప్రపంచ వ్యాప్తంగా ఉన్న అభిమానులు, మెగా ఫ్యాన్స్ బ్లెస్సింగ్స్ మా పాపకు అందాయి. ఇందుకు అందరికీ ప్రత్యేకమైన ధన్యవాదాలు తెలుపుతున్నాను. ముఖ్యంగా విదేశాల్లో ఉన్న అభిమానులు కూడా తమ పాప పట్ల ఆనందం వ్యక్తం చేయడం చాలా సంతోషంగా ఉంది.
మా పాపకు ఎప్పుడూ మీ ఆశీర్వాదం ఉండాలని కోరుకుంటున్నాను. పాప పుట్టిన క్షణం నేను మాటల్లో చెప్పలేని ఆనందం. ఇన్నాళ్లు దేవుడు మాకు పండంటి బిడ్డను ప్రసాదించడం ఎంతో ఆనందంగా ఉంది. పాపను అందరూ ఆశీర్వదించినందుకు చాలా థ్యాంక్స్. త్వరలో పాపకు నామకరణం కూడా చేస్తాం. నాకు పెద్దగా సంప్రదాయాలు తెలియవు. 13వ రోజున, లేదంటే 21వ రోజున పాపకు ఏం పేరు పెట్టబోతున్నామనేది స్వయంగా వెల్లడిస్తాం. ఇప్పటికే ఓ పేరు కూడా ఉపాసన నేను ఎంపిక చేశామంటూ చెర్రీ చెప్పుకొచ్చారు. 21వ రోజును స్వయంగా నేను పాప పేరు తెలియ‌జేస్తాన‌ని చెప్పుకొచ్చారు.
ఇక రామ్ చరణ్, ఉపాసన దంపతులకు బిడ్డ జన్మించిన రోజున మెగాస్టార్ చిరంజీవి మీడియా ముందుకు వచ్చారు. ఆయన ఆంజనేయ స్వామి భక్తుడు అనేది అందరికీ తెలిసిన విషయమే. హనుమంతునికి ప్రీతికరమైన రోజు మంగళవారం. ఆ రోజు అమ్మాయి పుట్టడంతో మెగాస్టార్ మరింత సంబరపడ్డారు. తన ఆనందం వ్యక్తం చేశారు. రామ్ చరణ్ విజయాలు, వరుణ్ తేజ్ నిశ్చితార్థం, మనవరాలు పుట్టడం… తమ ఇంట అన్నీ శుభకార్యాలు జరుగుతున్నాయని తెలిపారు. ఇక రామ్ చరణ్ విష‌యానికి స‌వ్తే.. ‘ఆర్ఆర్ఆర్ : రౌద్రం రణం రుధిరం’తో గత ఏడాది భారీ విజయం అందుకోవడం మాత్రమే కాదు, గ్లోబల్ ఆడియన్స్ కాంప్లిమెంట్స్ అందుకున్న రామ్ చరణ్… సౌత్ ఇండియన్ స్టార్ దర్శకుడు శంకర్, అగ్ర నిర్మాత ‘దిల్’ రాజుతో ‘గేమ్ ఛేంజర్’ చేస్తున్నారు.
