Rakul Preet Singh : ఒక‌ప్పుడు టాలీవుడ్‌లో వ‌రుస సినిమాల‌తో నానా ర‌చ్చ చేసిన ర‌కుల్ ప్రీత్ సింగ్ ఇప్పుడు బాలీవుడ్ కే ప‌రిమితం అయింది. అక్క‌డ కూడా పెద్ద‌గా స‌క్సెస్ లు అందుకోని ఈ ముద్దుగుమ్మ ఆఫ‌ర్స్ మాత్రం బాగానే అందిపుచ్చుకుంటుంది. ర‌కుల్ న‌టించిన థాంక్ గాడ్ చిత్రం ఈ నెల 25న రిలీజ్ అవుతుంది. ఇది కాకుండా డాక్ట‌ర్ జీ, ఛ‌త్రీవాలి, ఇండియ‌న్ 2 సినిమాల్లో ర‌కుల్ న‌టిస్తున్నారు. అయితే ర‌కుల్ ప్రీత్ సోష‌ల్ మీడియాలో చాలా యాక్టివ్ అనే సంగ‌తి తెలిసిందే. ఎప్ప‌టిక‌ప్పుడు త‌న ప‌ర్స‌న‌ల్‌, ప్రొఫెష‌న‌ల్ విష‌యాలు షేర్ చేసుకుంటూ ఉంటుంది.
తాజాగా అబిమానుల‌తో చిట్ చాట్ నిర్వ‌హించిన ర‌కుల్ ప్రీత్ సింగ్.. తాను తెలుగు సినిమాలు చేయ‌క‌పోవ‌డంపై బ‌దులు ఇచ్చింది. ‘ఈ మ‌ధ్య కాలంలో నేను తెలుగు సినిమాల్లో న‌టించ‌టం లేద‌నే సంగ‌తి నాకు కూడా తెలుసు. కానీ త్వ‌ర‌లోనే త‌ప్ప‌కుండా తెలుగులో న‌టిస్తాను. తెలుగు అభిమాల‌ను నేను ఎప్ప‌టికీ ప్రేమిస్తూనే ఉంటాను. ప్ర‌స్తుతం నేను ఈ స్థాయిలో ఉన్నానంటే తెలుగు సినీ ప‌రిశ్ర‌మే కార‌ణం అంటూ ఆస‌క్తిక‌ర కామెంట్స్ చేసింది ర‌కుల్. దీంతో ఇన్నాళ్లు ఈ అమ్మ‌డిపై కాస్త కినుకుగా ఉన్న తెలుగు అభిమానులు శాంతించారు.
ఇదిలా ఉంటే 2021 అక్టోబ‌ర్ నెల‌లో త‌న ప్రియుడిని ర‌కుల్ ప‌రిచ‌యం చేసిన విష‌యం తెలిసిందే. అయితే ప్రియుడిని ప‌రిచ‌యం చేసి ఏడాది కావొస్తున్నా ఇంకా పెళ్లి గురించి ర‌కుల్ స్పందించ‌డం లేదు. దీనిపై అభిమానులే అనేక ర‌కాలుగా ఆలోచ‌న‌లు చేస్తున్నారు. తాజ‌గా అమన్ పెళ్లి గురించి క‌న్‌ఫాం చేసిన‌ట్టు ప్ర‌చారం జ‌ర‌గ‌గా, ర‌కుల్ స్పందించింది. ‘అమన్, నువ్వు నా పెళ్లి గురించి నాక్కూడా చెప్పాలి క‌దా బ్రో. నా జీవితం గురించి నాకే తెలియ‌క‌పోవ‌టం కామెడీగా ఉంది’ అంటూ ఆస‌క్తిక‌ర కామెంట్స చేసింది. ర‌కుల్ చేసిన ఈ కామెంట్స్ నెట్టింట తెగ హ‌ల్‌చ‌ల్ చేస్తున్నాయి.
