Rakesh Master : దాదాపు 1500 సినిమాల‌కి పైగా కొరియోగ్రఫీ చేసిన రాకేష్ మాస్టర్ ఇటీవ‌ల అనారోగ్య స‌మ‌స్య‌ల‌తో క‌న్నుమూసారు. విజ‌య న‌గ‌రం షూటింగ్ కోసం అని వెళ్లిన రాకేష్ మాస్ట‌ర్‌కి వ‌డ‌దెబ్బ త‌గ‌ల‌డంతో ఆయన ఆరోగ్యం మ‌రింత క్షీణించి గాంధీ ఆసుప‌త్రిలో క‌న్నుమూసారు.రాకేష్ మాస్టర్ ఇటీవ‌లి కాలంలో ఎక్కువ‌గా యూట్యూబ్‌లో సంద‌డి చేస్తూ నెటిజన్స్ కి చాలా ద‌గ్గ‌ర‌య్యాడు. ఆయన మరణవార్తను ఆయన అభిమానులు నెటిజన్స్ జీర్ణించుకోలేకపోతున్నారు.ఇప్పటికీ ఆయన మరణం షాకింగ్ గానే ఉందని చెప్పవచ్చు. రాకేష్ మాస్టర్ మరణించిన సందర్భంగా ఆయన జ్ఞాపకాలను అభిమానులను గుర్తు చేసుకుంటున్నారు.ఇక సెలబ్రిటీలు ఆయనతో గడిపిన క్షణాలను గుర్తు చేసుకుంటూ రాకేష్ మాస్ట‌ర్‌కి సంబంధించిన వీడియోల‌ని వైరల్ చేస్తున్నారు.
90వ దశకం చివరి నుంచి రాకేష్ మాస్టర్ ఇండస్ట్రీలో కొనసాగుతున్నారు.హీరో మాస్ మహారాజ రవితేజ తనని కెరీర్ ఆరంభంలో బాగా ప్రోత్సహించారని రాకేష్ మాస్టర్ ఒక ఇంటర్వ్యూలో చెప్పుకొచ్చారు. మనసిచ్చాను చిత్రంలో ‘వెండితెరకి మా వందనాలు’ అనే సాంగ్ కి రాకేష్ మాస్టర్ కొరియోగ్రఫీ అందించారు. ఆ సాంగ్ లో యంగ్ రాకేష్ మాస్టర్ ని రవితేజ పక్కనే డ్యాన్స్ చేయడం మ‌నం చూడొచ్చు. ఆ సాంగ్ తనకు ఎంతో గుర్తింపు తెచ్చిపెట్టింది అని రాకేష్ మాస్టర్ తెలిపారు. పొడవైన జుట్టుతో రాకేష్ మాస్టర్ యంగ్ ఏజ్ లో మంచి రిథమ్ తో కనిపించారు. ఆయన డ్యాన్స్ అంద‌రికి తెగ న‌చ్చేసింది.
ఇప్పుడు టాలీవుడ్ స్టార్ హీరోలలో ఒక‌రిగా ఉన్న మహేష్ బాబుతో కూడా డ్యాన్స్ చేయించాడు రాకేష్ మాస్టర్. యువరాజు చిత్రంలో.. సూపర్ హిట్ సాంగ్ గుంతలకడి గుంతలకడి గుమ్మా అనే సాంగ్ ఆరంభంలో మహేష్ శ్రీకృష్ణుడి గెటప్ లో కనిపిస్తారు. ఆ పార్ట్ తో పాటు సాంగ్ లో మరికొంత భాగం రాకేష్ మాస్టర్ కొరియోగ్రఫీ ఇచ్చారు. అలాగే హీరో వేణు చిత్రాలు, జగపతి బాబు, రాజేంద్ర ప్రసాద్ లాంటి హీరోల చిత్రాలకు ఎన్నో పాటలకు రాకేష్ మాస్టర్ కొరియోగ్రఫీ అందించారు. ప్ర‌భాస్‌కి కూడా రాకేష్ మాస్టర్ డ్యాన్స్ నేర్పించారు. లాహిరి లాహిరి లాహిరిలో, సీతారామరాజు ఇలా ఎన్నో చిత్రాలకు రాకేష్ మాస్టర్ అద్భుతంగా కొరియోగ్రఫీ ఇచ్చారు.
