Rajeev Kanakala : సుమ, రాజీవ్‌ల తనయుడు రోషన్ కనకాల హీరోగా మానస చౌదరి హీరోయిన్‌గా అరంగేట్రం చేస్తూ.. ‘క్షణం’, ‘కృష్ణ అండ్ హిజ్ లీల’ చిత్రాల దర్శకుడు రవికాంత్ పేరెపు తెర‌కెక్కించిన చిత్రం బ‌బుల్ గ‌మ్. ఈ చిత్రాన్ని పీపుల్ మీడియా ఫ్యాక్టరీతో కలిసి మహేశ్వరి మూవీస్ నిర్మిస్తోంది. డిసెంబ‌ర్ లో విడుద‌ల కానున్న ఈ చిత్ర టీజర్ రీసెంట్‌గా నాని చేతుల మీదుగా విడుద‌లైంది. ప్రేమని బబుల్‌గమ్‌తో పోల్చుతూ టీజర్ మొదలైంది. స్టార్టింగ్‌లో తియ్యగుంటది. తర్వాత అంటుకుంటది.. షూస్ కింద.. థియేటర్లలో సీట్ల కింద.. అంత ఈజీ కాదు రరేయ్.. పండబెట్టేస్తది.. అనే డైలాగ్‌తో మొదలైన ఈ టీజర్ సినిమాపై అంచ‌నాలు పెంచింది.
యూత్‌ని టార్గెట్ చేసేలా ఈ టీజర్‌ని కట్ చేశారు. పీస్‌ఫుల్‌గా ఉంది కదా అని తినడానికి వచ్చినా.. కాస్త నెమ్మదిగా తింటా.. అనే డైలాగ్‌తో రోషన్ కనకాలను ఇందులో పరిచయం చేశారు. జాన్వీ, ఆదిత్య అని హీరోహీరోయిన్లు ఒకరినొకరు పరిచయం చేసుకోవడం, ఒకరి గురించి ఒకరు ఆలోచించుకుంటూ ఇద్దరు ప్రేమలో పడినట్లుగా చూపించారు. పికప్ చేస్తా, డ్రాప్ చేస్తా.. పళ్లు తోముకోకపోయినా వచ్చి ముద్దు పెడతా.. అంటూ రోషన్ చెప్పిన డైలాగ్ హైలెట్ అయింది.హీరోహీరోయిన్ల మధ్య డీప్ లిప్‌లాక్‌ సీన్ చూపించిన వెంటనే.. విలన్‌ని ఓ బూతు తిట్టించి.. ‘నేను జనరల్‌గా ఇంత గలీజ్‌గా బిహేవ్ చేయను.. మాట్లాడను.. ఇంకెప్పుడూ అట్లా చేయను.. ఐ యామ్ రియల్లీ సారీ’ అని.. ప్రేక్షకులకు హీరో సారీ చెప్పినట్లుగా ఉండే సీన్‌తో టీజర్ ముగిసింది. టీజర్ చూసిన ప్ర‌తి ఒక్క‌రు అతనిపై ప్ర‌శంస‌లు కురిపించారు.
టీజర్ రిలీజ్ అనంత‌రం ఈవెంట్‌లో రాజీవ్ కనకాల మాట్లాడుతూ కొడుకుని అభినందించారు. టీజర్‌లో బాగా చేశావని, సినిమాలో కూడా బాగా చేసి ఉంటావని నమ్ముతున్నాన్నారు. అయితే టీజర్‌లో ఆఖరి షాట్‌ చూసి.. అంటూ కుర్రాళ్లని ఉద్దేశించి రాజీవ్ ఏదో చెప్పబోయి ఆపేశాడు. దీంతో పక్కనే ఉన్న సుమ కొన్ని మాట్లాడకుండా ఉంటేనే బెటర్‌ రాజా, పదా`అంటూ ఆమె సిగ్గుతో తలదించుకుని రాజీవ్‌ని తీసుకెళ్లే ప్రయత్నం చేసింది. కానీ జనరల్‌గా వాళ్లకి( ఆడియెన్స్ కి) అనిపించింది చెప్పాను. అవును కదా? అనగా, ఆడియెన్స్ నుంచి పెద్ద అరుపులు వచ్చాయి. దీనికి సుమ స్పందిస్తూ ఇంకా మనం ఏమేం చూడటానికి మిగిలుందో ? ఇది టీజర్ మాత్రమే అంటూ ఆమె తల కిందకు వేసి రాజీవ్ స్పీచ్‌ని ఆపే ప్రయత్నం చేసింది.
