పీట‌ల దాకా వ‌చ్చిన పెళ్లి క్యాన్సిల్ .. నీ అంతు చూస్తా అంటూ రాజ్ త‌రుణ్ ఫైర్..

కుమారి 21 ఎఫ్ చిత్రంతో తెలుగు ప్రేక్ష‌కుల‌కి ద‌గ్గ‌రైన హీరో రాజ్ త‌రుణ్‌. కెరీర్ మొద‌ట్లో మంచి విజ‌యాలే అందుకున్నాడు. కాని ఇప్పుడు మాత్రం అత‌ని పరిస్థితి దారుణంగా మారింది. ఇటీవ‌ల కాలంలో రాజ్ త‌రుణ్‌కి ఒక్క‌టంటే ఒక్క హిట్ ప‌డ‌డం లేదు. మంచి స‌క్సెస్ కోసం ఎంత‌గానో క‌ష్ట‌ప‌డుతున్నాడు. అయితే తాజాగా రాజ్ తరుణ్ ఇన్‌స్టాగ్రామ్‌లో పోస్ట్ చేసిన వీడియో బైట్‌ కొద్దిసేపటికే వైరల్‌గా మారింది. ఇందులో ఆయ‌న పీట‌ల దాకా వ‌చ్చిన పెళ్లి క్యాన్సిల్ అయింద‌ని, ఒసేయ్ నీ అంతుచూస్తా అని చాలా ఆవేశంగా మాట్లాడాడు.

వీడియోలో రాజ్ త‌రుణ్ మాట్లాడుతూ.. “ఈ వీడియో నేను ఇప్పుడు పోస్ట్ చేయడానికి ఒక కారణం ఉందండీ. నా జీవితంలో ఎప్పుడు ఒక అమ్మాయి ఉంటది అనుకోలా, చిన్నప్పుడు నా ఫ్రెండ్స్ అమ్మాయిలతో మాట్లాడుతుంటే నేను అమ్మ చెప్పిన కొత్తిమీర, కరివేపాకు తెచ్చేవాడిని. అలాంటి నాకు నా పేరెంట్స్ ఒక పెళ్లి నిశయించి, ముహూర్తం కూడా పెట్టారు.అంతా ఆనందంగా జరుగుతుంది అనుకున్న సమయంలో.. పెళ్లికూతురు లెటర్ రాసి ఎవరితోనో లేచిపోయింది. నా కుటుంబానికి ఉన్న పరువు మొత్తం తీసేసింది.

కాబట్టి ఆ అమ్మాయిని వదిలేది లేదు, ఆమె ఫోటో రేపు షేర్ చేస్తాను, ఎక్కడైనా కనబడితే చెప్పండి” అంటూ పోస్ట్ చేశాడు. ఈ పోస్టుకి ఇకలేదు అనే హాష్ టాగ్ ని జతచేశాడు. దీంతో ఇది తన కొత్త సినిమా ప్రమోషన్ అని తెలుస్తుంది. ఇలా వెరైటీగా ప్రమోషన్ చేసినందకు విశ్వక్ సేన్ చాలా ఇబ్బందులు పడ్డాడు కాని అతని సినిమాకు పబ్లిసిటీగా మారింది . మరి రాజ్ తరుణ్ ఏ సినిమా కోసం ఇలా చేశాడో..? అది ఎంత వరకూ సక్సెస్ అవుతుందో చూడాలి. ఇక ఈ ఏడాది మొదటిలో ‘స్టాండ్ అప్ రాహుల్‌’ వంటి యూత్ ఫుల్ ఎంటర్‌టైనర్ తో రాజ్ త‌రుణ్‌ ప్రేక్షకుల ముందుకు వచ్చిన సంగతి తెలిసిందే.