Pushpa Movie Mistakes : వామ్మో.. పుష్ప చిత్రంలో ఇన్ని త‌ప్పులు ఉన్నాయా.. వాటిని మీరు ఎప్పుడైనా గ‌మ‌నించారా..!

Pushpa Movie Mistakes : స్టార్ డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా తెరకెక్కిన సూప‌ర్ హిట్ చిత్రం పుష్ప. ఈ చిత్రాన్ని పాన్ ఇండియా మూవీగా అన్ని భాషలలో విడుదల చేసిన విషయం అందరికి తెలిసిందే. ఈ చిత్రం బాక్స్ ఆఫీస్ దగ్గర కలెక్షన్ల మోత మోగించిన విష‌యం విదిత‌మే. ఇక ఈ చిత్రంలో రష్మిక మందన్న హీరోయిన్ గా నటించగా.. సునీల్, అనసూయ, మలయాళ నటుడు ఫహద్ ఫాసిల్ కీలక పాత్రలలో నటించారు. ఈ సినిమాలో అన్ని పాత్రలకి నటీనటులు అందరూ న్యాయం చేశారు. అయితే ఈ సినిమాలో అల్లు అర్జున్ పాత్ర తర్వాత హైలైట్ అయిన పాత్ర కేశవ అనే చెప్పాలి.

ఇటీవ‌ల విడుద‌లైన చిత్రాల‌లో ద‌ర్శకులు కొన్ని పొర‌పాట్లు చేస్తుండ‌డం మ‌నం గ‌మ‌నిస్తూనే ఉన్నాం. అలా పుష్ప‌లో సుమారు 20 తప్పులు ఉన్నాయి. సినిమా మొదలైంది మనకు జపాన్‌లోని ఓ సంగీత వాద్య పరికరం చూపించి. దానిని ఎర్రచందనంతో చేస్తారని… అది చాలా గొప్పదని. అయితే ఈ క్రమంలో ఆ వస్తువు ధర రూ.8 లక్షలు అని సినిమాలో చెబుతారు. అయితే ఆ వస్తువు మీద జపాన్‌ కరెన్సీలో 12,500 అని ఉంటుంది. అంటే మన కరెన్సీ ప్రకారం రూ. 8వేలే. ఇక సినిమాలో అల్లు అర్జున్‌ ఎంట్రన్స్‌లో అతని లారీ ముందు ఓ బైక్‌ కనిపిస్తుంది. ఆ తర్వాతి షాట్‌లో బైక్‌ ఉండదు. అలాగే లారీ యాంగిల్‌ కూడా పూర్తిగా మారిపోతుంది.

ఫైట్‌ స్టార్ట్‌ అయినప్పుడు చుట్టూరా వాతావరణం వేకువజామున ఉన్నట్లు ఉంటుంది. లారీ లైట్స్‌ ఆన్‌ అయ్యి ఉంటాయి. హీరోను ఫోకస్‌ చేయగానే లారీ లైట్స్ దెబ్బ‌కు ఆగిపోతాయి. హీరో ఉదయం వెలుతురులో ఉంటాడు. ఫైట్ అయిపోగానే తిరిగి మళ్లీ వేకువజామున లైటింగ్‌ వచ్చేస్తుంది. ఎర్రచందనం కొట్టడానికి అడవిలోకి దిగినప్పుడు వాతావరణం మొత్తం వెలుతురు, ఎండతో నిండిపోయి ఉండ‌డం క‌నిపిస్తుంది.. అయితే హీరో బస్సు దిగగానే వర్షం స్టార్ట్‌ అవుతుంది. గోవిందప్ప నుండి తప్పించుకోవడానికి లారీని బావిలో పడేలా చేస్తాడు పుష్ప.

అయితే అంత పెద్ద లారీ నీటిలో అంత వేగంగా మునిగిపోతుందా, రెండోది శబ్దం రాదా అనేది అంద‌రిలో ఓ డౌట్ . చిన్నప్పటి పుష్ప రాజ్‌ స్కూలు వెళ్లే సమయంలో పరిగెడుతూ ఉంటాడు. అంతకుముందు షాట్‌లో ఆ రోడ్డు మీద స్కూటర్‌ ఉండదు. అలాగే ఓ సైకిల్ ఉంటుంది. కానీ షాట్‌ యాంగిల్‌ మార్చేసరికి స్కూటర్‌ వస్తుంది, సైకిల్‌ వెళ్లిపోతుంది. ఇలా చెప్పాలంటే చాలా ఉన్నాయి.