Praveen: ఫైమా.. ఈ పేరుకి ప‌రిచ‌యాలు అక్క‌ర్లేదు. జ‌బ‌ర్ధ‌స్త్ షోతో ప్రేక్ష‌కుల‌ని ఎంత‌గానో అలరించిన ఈ అమ్మ‌డు బిగ్ బాస్ షోతో మ‌రింత ఆద‌ర‌ణ ద‌క్కించుకుంది. అంచనాలకు మించి బిగ్ బాస్ హౌస్లో రాణించింది ఫైమా. బాల ఆదిత్య, గీతూ, చంటి వంటి హేమాహేమీలు ఎలిమినేటైనప్ప‌టికీ ఫైమా మాత్రం స్ట్రాంగ్ గా నిలబడింది. గట్టిగా మాట్లాడే తత్త్వం, టాస్క్స్ లో పోరాట పటిమ ప్రేక్షకుల మనసు దోచుకునేలా చేశాయి. సత్తువ లేకపోయినా ఫిజికల్ టాస్క్స్ లో మగాళ్లకు గ‌ట్టి పోటీ ఇచ్చి నిలిచింది ఫైమా. అలాగే మంచి ఎంటర్టైనర్ గా పేరు తెచ్చుకుంది. హోస్ట్ నాగార్జున ఫైమా ఆటతీరుకు తెగ ఇంప్రెస్ అయ్యాడు. ముఖ్యంగా రేవంత్ ని గట్టిగా ప్రశ్నించిన ఒకే ఒక కంటెస్టెంట్ ఫైమా అనే చెప్పాలి.
ఫైమాతో పాటు ప్రవీణ్ కూడా జ‌బ‌ర్ధ‌స్త్ వేదిక‌పై తెగ న‌వ్వులు పంచాడు. వీరిద్ద‌రు కొన్నాళ్లుగా ప్రేమ‌లో మునిగి తేలుతున్నారు. అయితే కొన్నాళ్ల పాటు పలు షోలలో వీరి లవ్‌ ట్రాక్‌ని టెలికాస్ట్ చేయ‌గా, . టీవీ స్క్రీన్‌ మీద వీరు వేసే వేషాలు చూస్తే.. వాళు నిజంగా లవర్లో కారో తేల్చుకోవడం చాలా కష్టంగా మారింది. అయితే ప్రస్తుతానికి ఫైమా, ప్రవీణ్ ఇద్దరు లవర్స్ అనే విష‌యం అందరికి తెలుసు. ఫైమా బిగ్ బాస్ వేదిక‌గా ప్ర‌వీణ్‌పై త‌న ప్రేమ‌ని తెలియ‌జేసింది. త్వ‌ర‌లో పెళ్లి చేసుకుంటార‌ని అంద‌రు అనుకుంటున్న స‌మ‌యంలో ప్రవీణ్ తాజాగా పెళ్లి చేసుకుని అందరికి షాక్‌ ఇచ్చాడు .
వేరే అమ్మాయిని పెళ్లి చేసుకున్న వీడియోని ప్రవీణ్ త‌న సోష‌ల్ మీడియాలో షేర్ చేయ‌డంతో ఫైమాని కాకుండా మరో అమ్మాయిని పెళ్లి చేసుకోవడం ఏంటి అంటూ ప్రశ్నిస్తున్నారు నెటిజనులు. ఇందుకు ఫైమా ఎలా ఒప్పుకుంది అంటూ కామెంట్స్ చేస్తున్నారు. కానీ ఇక్కడో ట్విస్ట్‌ ఉంది. అది ఏంటంటే.. ప్రవీణ్ పెళ్లి చేసుకుంది నిజ జీవితంలో కాదు. ఓ యూట్యూబ్‌ చానెల్‌ కోసం ఇలా పెళ్లి కొడుకుగా మారాడు. జబర్దస్త్‌ కమెడియన్‌ కొమరం కోసం ప్రవీణ్ ఇలా పెళ్లి కొడుకుగా మారాడని సమాచారం. కొమరక్క యూట్యూబ్‌ చానెల్‌ కోసం ఇలా చేసినట్లు.. త్వరలోనే ఈ ఎపిసోడ్‌.. కొమరక్క చానెల్‌లో వస్తుందని తెలిపాడు.
