Pranathi Shinde : తెలంగాణలో ఈ సారి కాంగ్రెస్ గాలి వీచింది. తెలంగాణ రాష్ట్రం వ‌చ్చాక రెండు సార్లు బీఆర్ఎస్ కి ప‌ట్టం క‌ట్టిన తెలంగాణ ప్ర‌జ‌లు ఈ సారి కాంగ్రెస్ వైపు చూశారు. మంచి మెజారిటీతో కాంగ్రెస్ గెల‌వ‌గా, రేవంత్ రెడ్డి ముఖ్య‌మంత్రి అయ్యారు. రేవంత్ ప్రమాణ స్వీకారానికి రాహుల్ గాంధీ మరియు ప్రియాంక గాంధీ వెనకాల కూర్చున్న ఈ అందమైన మహిళ చాలా సెంటర్ ఆఫ్ అట్రాక్షన్ గా కనిపించింది.రాహుల్, ప్రియాంక పై కెమెరా ఫోకస్ చేసిన ప్రతిసారి ఆమె వెనకాల నవ్వుతూ కూర్చున్న ఈ అందమైన మహిళ ఎవరు అంటూ చాలామంది సోషల్ మీడియాలో చర్చ సాగించారు. ప్రియాంక, రాహుల్‌గాంధీల వైపు టీవీ కెమెరాలు ఫోకస్ చేస్తాయి కాబట్టే వారి వెనుక కూర్చున్న ఆ అందమైన యువతి కూడా అందరి దృష్టిని ఆకర్షించింది.
ఇప్పటి వరకు మనమెప్పుడు చూడని ఆ యువతి ఎవరు? రాజకీయాలతో ఆమెకు ఏమిటి సంబంధం? తెలంగాణతో ఆమెకున్న అనుబంధం ఏమిటి? అధినాయకత్వానికి అంత దగ్గరి మనిషా? అన్న అనుమానాలు చాలా మందికి కలిగాయి. ఇంతకీ ఎవరామె? ఇంతకూ ఆమె ఎవరంటారా? ఆమె పేరు.. ప్రణతి షిండే. తెలంగాణ రాష్ట్రానికి పొరుగున ఉన్న మహారాష్ట్ర. ఇంతకు ఆమెకు తెలుగు రాజకీయాలకు లింకేమిటి? అన్న ప్రశ్న తలెత్తొచ్చు. అయితే.. మరిన్ని వివరాలు సేకరించినప్పుడు.. ఆమె ఈ కార్యక్రమానికి హాజరు కావటంలో అర్థం కనిపిస్తుంది. రేవంత్ ప్రమాణ స్వీకార సభలో సెంటర్ ఆఫ్ అట్రాక్షన్ గా మారిన ప్రణతి ఎవరో కాదు.. ఉమ్మడి రాష్ట్రంలో గవర్నర్ గా బాధ్యతలు నిర్వహించటంతోపాటు.. అంతకు ముందు కేంద్ర మంత్రిగా.. కాంగ్రెస్ సీనియర్ నేతగా సుపరిచితుడైన సుశీల్ కుమార్ షిండే గారాలపట్టి.
ఆయనకు ముగ్గురు ఆడపిల్లలు కాగా.. వారిలో ప్రణితి ఒకరు. చిన్న కుమార్తె అయిన ఆమె తండ్రి రాజకీయాలకు రిటైర్మెంట్ ప్రకటించిన తర్వాత.. రాజకీయ వారసురాలిగా తెర మీదకు వచ్చారు. 28 ఏళ్ల చిరుప్రాయంలో ఎన్నికల బరిలోకి దిగిన ఆమె ఎమ్మెల్యేగా ఎన్నికయ్యారు. ప్రస్తుతం కాంగ్రెస్ మహిళా నేతల్లో అత్యంత యాక్టివ్ గా ఆమెకు పేరుంది. ప్రస్తుతం మహారాష్ట్ర పీసీసీ వర్కింగ్ ప్రెసిడెంట్ గా వ్యవహరిస్తున్న ఆమె.. ప్రమాణస్వీకారోత్సవానికి హాజరయ్యారు. పార్టీలో ఆమెకున్న స్థాయికి తగ్గట్లే.. రాహుల్.. ప్రియాంక వెనుకనే ఆమెకు చోటుదక్కింది.
దీంతో.. ఆమె కెమేరా కళ్లకు చిక్కారు. ఇక్కడ ఆమె గురించి మరో ఆసక్తికర అంశాన్ని చెప్పాలి. 2019లో జరిగిన లోక్ సభ ఎన్నికల్లో సుశీల్ కుమార్ షిండే షోలాపూర్ ఎంపీగా పోటీ చేశారు. కానీ.. బీజేపీ అభ్యర్థి శ్రీసిద్ధేశ్వర్ మహారాజ్ చేతిలో ఓటమిపాలయ్యారు. అప్పటి నుంచి తండ్రి పరాజయానికి బదులు తీర్చుకోవాలన్న కసితో ప్రణతి ఉందని చెబుతారు. తెలంగాణ రాష్ట్ర సరిహద్దుల్లో ఉండే షోలా పూర్ మీద కేసీఆర్ సారు కూడా ఫోకస్ పెట్టిన వేళ.. అదే రాష్ట్రంలో తమ పార్టీ కొలువు తీరిన నేపథ్యంలో.. రేవంత్ ప్రమాణ మహోత్సవానికి హాజరైనట్లుగా చెబుతున్నారు.
