Prabhas : సినిమా పరిశ్రమలో నెగ్గుకు రావడం చాలా కష్టం. చాలా మంది సెలబ్రిటీలు తమ వారసులని ఇండస్ట్రీకి పరిచయం చేయాలని ఉత్సాహం చూపిస్తుంటారు. అయితే వారిలో కొందరు రాణిస్తుండగా మరికొందరు మధ్యలోనే డ్రాప్ అవుతుంటారు. ఇక్కడ ఓ విషయం గమనిస్తే.. వారసులు కొందరు హీరోలుగా, మరి కొందరు దర్శకులుగా, ఇంకొందరు నిర్మాతలుగా ఇండస్ట్రీకి పరిచయం అవుతుంటారనే విషయం తెలిసిందే. రెబల్ స్టార్ కృష్ణం రాజు కూతురు సాయి ప్రసీద రాధే శ్యామ్ చిత్రంతో తెలుగు ప్రేక్షకులకి నిర్మాతగా పరిచయం అయిన విషయం తెలిసిందే.
ఈ సినిమాను ఏకంగా రూ.350 కోట్లు ఖర్చు పెట్టిన తీసిన సాయి ప్రసీద భారీ నష్టాలని చవి చూసిందట. హిట్ అవుతుందని చాలా అంచనాలు పెట్టుకున్న ఆమెకు సుమారు రూ.100కోట్లు లాస్ వచ్చిందట.. దీంతో కృష్ణంరాజు తన కూతురి భవిష్యత్ కోసం ఆ వంద కోట్ల నష్టాన్ని భరించారట. ఇటీవల ఈ విషయం నెట్టింట తెగ హల్చల్ చేస్తుంది. ఇదిలా ఉంటే కృష్ణం రాజు గత వారం అనారోగ్యంతో కన్నుమూసిన విషయం తెలిసిందే. ఆయన అకాల మరణం యావత్ తెలుగు రాష్ట్రాల అభిమాలను దుఖసాగరంలో ముంచెత్తింది. టాలీవుడ్ తీవ్ర దిగ్భ్రాంతికి గురయింది. తెలుగు చిత్ర పరిశ్రమ మరోసారి మూగబోయింది.
గత కొన్ని రోజులుగా అనారోగ్యంతో బాధపడుతున్న ఆయన కన్నుమూసిన విషయం తెలిసిందే. అయితే కృష్ణం రాజు మరణంతో ఆయన ఫ్యామిలీ బాధ్యత మొత్తాన్ని ప్రభాస్ మోయాల్సిన పరిస్థితి నెలకొంది. వారి కోసం ప్రభాస్ రెండు నెలల పాటు తన షూటింగ్స్ అన్నీ కూడా పోస్ట్ పోన్ చేసుకున్నట్టు తెలుస్తుంది. ఇదిలా ఉంటే ప్రసీద కొద్ది రోజుల క్రితం రాధే శ్యామ్ నిర్మాతగా తన అనుభవాన్ని చెబుతూ పర్సనల్ విషయాలను పంచుకుంది. సాహో సినిమాకు కూడా ఒక నెల పనిచేశాను అని తెలిపింది. విదేశాల్లో ప్రొడక్షన్ కోర్సులను నేర్చుకున్నాను అని చెప్పుకొచ్చింది. ఆతిథ్యం ఇవ్వడం అనేది తమ బ్లడ్లోనే ఉందని ప్రసీద తెలిపింది. తాను కూడా తన ఫ్రెండ్స్ అందరికీ వండి పెడతానని చెప్పుకొచ్చింది.
