Prabhas : ప్రభాస్, కృతిసనన్, సైఫ్ అలీఖాన్, సన్నీ సింగ్, దేవదత్త నాగే, వత్సల్ సేన్, సోనాల్ చౌహాన్ త‌దిత‌రులు ప్ర‌ధాన పాత్ర పోషించిన చిత్రం ఆదిపురుష్. ఈ సినిమా భారీ అంచ‌నాల న‌డుమ నేడు విడుద‌లైంది. దర్శకుడు ఓం రౌత్ ఈ చిత్రాన్ని అత్యంత ప్ర‌తిష్టాత్మ‌కంగా తెర‌కెక్కించారు. సీతారామ (ప్రభాస్, కృతిసనన్), లక్ష్మణులు వనవాసం చేస్తున్న సమయంలో శ్రీరాముడిని చూసి శూర్పణఖ మనసు పడుతుంది. అయితే తాను వివాహితుడినని శ్రీరాముడు శూర్పణఖ కోరికను తిరస్కరిస్తాడు. దాంతో సీతపై హత్యా ప్రయత్నం చేయబోయిన శూర్ఫణఖ ముక్కును కోసేస్తాడు. తన చెల్లిలికి జరిగిన అవమానాన్ని తట్టుకోలేక రావణుడు సీతను అపహరిస్తాడు. లంకలో బంధించి పెళ్లాడమని వేధిస్తుంటాడు.
సీత అప‌హ‌ర‌ణ తర్వాత ఎలాంటి ప‌రిస్థితులు నెల‌కొన్నాయి అనేది ఆదిపురుష్ చిత్రంలో చాలా చ‌క్క‌గా చూపించారు. రావణసుర క్యారెక్టర్‌ను పవర్‌పుల్‌గా చూపించి కథపై ఆసక్తిని రేకెత్తించిన దర్శకుడు ఆ తర్వాత మంచి యాక్షన్ ఎపిసోడ్ తో ప్రభాస్ ఎంట్రీ ఉండేలా ప్లాన్ చేశాడు. సినిమా మొదలైన 15 నిమిషాల తర్వాత జరుగుతుంది. సీతను రావణసురుడు అపహరించడంతో అసలు కథ మొదలువుతుంది. తొలి భాగంలో సీతాఅపహరణ సమమంలో జాటయువుతో ఫైట్, ఆ ఎసిసోడ్‌లో గ్రాఫిక్ వర్క్ ఆకట్టుకొనేలా ఉంటుంది. ఫస్టాఫ్‌ కాస్త నిదానంగా నడిచినప్పటికీ దర్శకుడు సినిమాను టెక్నికల్‌గా బాగా డీల్ చేశాడనే చెప్పాలి. కాకపోతే కథలో ఎక్సైట్‌మెంట్ లేకపోవడం కొంత నిరాశగా ఉంటుంది.
సెకండాఫ్ విష‌యానికి వ‌స్తే.. రామసేతు నిర్మాణం సమయంలో సముద్రుడు, రాముడు మధ్య నడిచే సీన్ ప్రేక్షకులకు గ్రాఫిక్ వర్క్ పరంగా కొత్త అనుభూతిని కలిగిస్తుంది. సంజీవని పర్వతాన్ని అంజనేయుడు తీసుకు రావడం, అలాగే ఇంద్రజిత్తు, కుంభకర్ణుడితో పోరాటాలు ఆసక్తికరంగా చిత్రీకరించారు. టెక్నికల్‌గా సినిమాను డీల్ చేసే క్రమంలో కథపరంగా జాగ్రత్తలు తీసుకోవడంలో తడబాటు కనిపించింది. కథలో ఎమోషన్స్, ఎక్సైట్‌మెంట్ పెద్దగా కనిపించవు.కొంద‌రు అభిమానులు కూడా సినిమాపై పెదవి విరిచారు. అయితే ఓ వ్య‌క్తిని మీడియా సినిమా ఎలా ఉందని మీడియా వాళ్ళు అడగ్గా, నచ్చలేదు. పెద్ద రాడ్ అని కామెంట్ చేశాడు. అక్కడే ఉన్న అభిమానులు చితకబాదారు. ఈ వీడియో వైరల్ అవుతుంది.
