Poonam Pandey : బాలీవుడ్ శృంగార తార పూనమ్ పాండే మరణం ఎంతో మంది అభిమానులను విషాదంలోకి నెట్టిన విషయం తెలిసిందే. సర్వికల్ క్యాన్సర్ వ్యాధితో పోరాడుతున్న ఆమె శుక్రవారం తుదిశ్వాస విడిచారనే విషయం సినీ ప్రముఖులను, సన్నిహితులు, శ్రేయోభిలాషులను తీవ్ర దిగ్బ్రాంతికి గురిచేసింది. ఆమె మరణానికి లక్షలాది మంది సోషల్ మీడియాలో తమ సంతాపాన్ని తెలిపారు. ఆమె మరణవార్తపై నివాళులు తెలుపుతూ కుటుంబసభ్యులకు సంతాపం తెలియజేశారు. సోషల్ మీడియాలో రిప్ పూనమ్ పాండే పేరుతో ట్రెండింగ్ కూడా అయింది. మరోవైపు ఎంతో ఫిట్‌గా చలాకీగా ఉండే పూనమ్ పాండే ఆకస్మికంగా చనిపోవడం ఏంటీ అంటూ పలువురు నెటిజన్స్ క్వశ్చన్ చేస్తూ ఆరా తీశారు. ఇదంతా పబ్లిసిటీ స్టంట్ అయిండొచ్చు అని కామెంట్స్ సైతం చేశారు.
పూనమ్ పాండే మృతి త‌ర్వాత ఆమె బాడీ కన్పించలేదని, ఆమె కుటుంబసభ్యులు కన్పించడం లేదనే వార్తలు వెల్లువెత్తాయి. మరోవైపు అసలు గర్భాశయ కేన్సర్ అంటే ఏమిటి, ఎందుకొస్తుంది, చిన్న వయస్సువారికి కూడా ఈ సమస్య వస్తుందా అనేది పెద్దఎత్తున చర్చనీయాంశమైంది. సరిగ్గా 24 గంటల తరువాత తాను బతికున్నానంటూ పోస్ట్ విడుదల చేసింది పూనం పాండే. అంతే ఒక్కసారిగా ఉత్కంఠ వీడిపోవడమే కాకుండా నెటిజన్లు పెద్దఎత్తున ఆమెపై మండిపడటం ప్రారంభించారు. తాజాగా తాను బతికే ఉన్నట్లు వీడియో విడుదల చేసింది పూనమ్ పాండే. అందులో అలా తాను ఎందుకు చేయాల్సి వచ్చిందో కూడా తెలిపింది. “నేను మీ అందరితో ఒకటి చెప్పేందుకు ఇలా వీడియో చేస్తున్నాను. నేను బతికే ఉన్నాను. నేను సర్వైకల్ క్యాన్సర్‌తో మరణించలేదు. కానీ, ఎన్నో వేల మంది అమ్మాయిలు ఈ క్యాన్సర్‌తో చనిపోయారు. సర్వైకల్ క్యాన్సర్‌ను ఎలా ఎదుర్కోవాలో తెలియక అంతమంది అమ్మాయిలు చనిపోవడం చాలా బాధాకరం” అని పూనమ్ పాండే తెలిపింది.
ఇతర క్యాన్సర్స్‌లాగే సర్వైకల్ క్యాన్సర్‌కు కూడా నివారణ ఉంది. త్వరగా గుర్తిస్తే హెచ్‌పీవీ వ్యాక్సిన్ ద్వారా సర్వైకల్ క్యాన్సర్‌ను నివారించవచ్చు. ఈ క్యాన్సర్ ద్వారా ఏ ఒక్కరి ప్రాణం కూడా పోకుండ ఉండేందుకు మనం కృషి చేయాలి. ఈ క్యాన్సర్ గురించి ప్రతి ఒక్కరికి చేరేలా మనం తీవ్రంగా అవగాహన పెంపొందించాలి. ప్రతి ఒక్క అమ్మాయికి ఇది చేరి దీనిపై ముందడుగు వేసేలా అవగాహన కల్పించాలి. బయోలో ఉన్న లింక్ లోకి వెళ్లి దీని గురించి మరింత లోతుగా తెలుసుకోండి” అని పూనమ్ పాండే తన వీడియోతోపాటు లింక్ షేర్ చేసింది.
