Poonam Kaur : ఇటీవ‌ల అందాల ముద్దుగుమ్మ‌లు ప‌లు ర‌కాల వ్యాధుల‌తో ఆసుప‌త్రిలో అడ్మిట్ అవుతుండ‌డం అభిమానుల‌కి ఆందోళ‌న క‌లిగిస్తుంది. మొన్న‌టిని మొన్న స‌మంత మ‌యోసైటిస్‌తో ఆసుప‌త్రిలో చేర‌గా, ఇక ఇటీవ‌ల శృతి హాస‌న్ కూడా త‌న ఆరోగ్యం బాగోలేద‌ని చెప్పింది. ఇక తాజాగా పూనమ్ కౌర్ త‌న‌కు ఫైబ్రోమయాల్జియా బారిన ఇన్ స్టా గ్రామ్ ద్వారా వెల్లడించింది. శరీరం అంతటా తీవ్రమైన నొప్పి, అలసట, డిప్రెషన్ ఫైబ్రోమయాల్జియా వ్యాధి లక్షణాలు. దీన్ని చూసిన అభిమానులు జాగ్రత్తలు తీసుకుని, త్వరగా కోలుకోవాలంటూ కామెంట్లు పెడుతున్నారు.
పూనమ్ కౌర్ నటించిన నాతి చరామి సినిమా విడుదల కావాల్సి ఉండ‌గా, ఆమె త‌న పోస్ట్‌లో ‘‘ఎన్నో ప్రణాళికలతో ఉత్సాహంగా ఉన్న వ్యక్తిని ఫైబ్రోమయాల్జియా, నిదానించి విశ్రాంతి తీసుకునేలా చేసింది’’ అంటూ ఇన్ స్టా గ్రామ్ లో పోస్ట్ లో పేర్కొంది. ఇటీవలే రాహుల్ గాంధీ భారత్ జోడో యాత్రలో భాగంగా తెలంగాణలో పాదయాత్ర చేస్తున్న సమయంలో.. పూనమ్ కౌర్ ఆయనతో కలసి కొంత దూరంపాటు పాల్గొనడం చూశాం. స‌డెన్‌గా తాను ఇలాంటి వ్యాధితో బాధ‌ప‌డుతున్న‌ట్టు ప్ర‌క‌టించ‌డంతో అంద‌రు అవాక్క‌య్యారు.
పూనమ్ కౌర్‌కు వచ్చిన ఈ వ్యాధి లక్షణాలు ఇలా ఉంటాయట. నిద్రలేమితనం, మతిమరుపు, జ్ఞాపక శక్తి తగ్గిపోవడం, అలసట, మానసిక స్థితి సరిగ్గా ఉండకపోవడం, కండరాల సమస్యలు ఏర్పడటం అనేవి ఈ వ్యాధి లక్షణాలు. అయితే నవంబర్ 10వ తేదీన సూరత్‌లోని గాంధీ పార్కులో చేనేతపై జీఎస్టి పన్ను ఎత్తివేయాలనే నిరసన కార్యక్రమంలో పూనమ్ కౌర్ పాల్గొందట. 11వ తేదీన సబర్మతి ఆశ్రమంలో మౌన దీక్ష కూడా చేసిందట. అదే రోజు సాయంత్రం 12వ తేదీన ఢిల్లీలో బ్రహ్మకుమారి కార్యక్రమానికి వెళ్లింది. అక్కడ ఆమెకు వెన్ను నొప్పి రావడంతో కేరళ వెళ్లిందట. దీంతో అక్కడ ట్రీట్మెంట్ తీసుకునే క్రమంలో ఆమెకు ఫైబ్రో మయాల్జియా నిర్ధారణ అయ్యిందట. ప్ర‌స్తుతం మహారాష్ట్రలో విశ్రాంతి తీసుకుంటున్న పూనమ్ ఆరోగ్యం నిల‌క‌డ‌గానే ఉంద‌ని చెబుతున్నారు.
