Plot Movie On OTT : ఇటీవ‌ల ఓటీటీలో సైకలాజికల్ థ్రిల్లింగ్ మూవీస్ తెగ సంద‌డి చేస్తున్నాయి. ఈ క్ర‌మంలో ప్లాట్ మూవీ కూడా ఓటీటీలో సంద‌డి చేసేందుకు సిద్ధ‌మైంది. గతేడాది నవంబర్‌లో ఈ సైకలాజికల్ థ్రిల్లర్ చిత్రం థియేటర్లలో రిలీజ్ అయింది. అయితే, ఈ తక్కువ బడ్జెట్ చిత్రం పెద్దగా ప్రజల్లోకి వెళ్లలేకపోయింది. దీంతో ఎక్కువ కలెక్షన్లను దక్కించుకోలేకపోయింది. ఈ మూవీకి భాను భావ తార్కక దర్శకత్వం వహించారు. ఇప్పుడు ఈ ప్లాట్ సినిమా ఓటీటీలోకి వస్తోంది.ఇందులో హీరో రాహుల్ పాత్రలో వికాస్ ముప్పల అద్భుతంగా నటించాడు. జనరల్‌గా ప్రతి సినిమాలో ఉండే హీరోయిజం ఈ పాత్రలో లేకపోయినా క్యారెక్టర్‌కి ఏం కావాలో అది 100 శాతం ఇచ్చాడు.
వివిధ రకాల ఎమోషన్స్‌కు గురయ్యే ఈ పాత్రను బాగా హ్యాండిల్ చేశాడు. ఇక గాయత్రి గుప్తాకి కూడా ఇందులో మంచి క్యారెక్టర్ పడింది. దీపు పాత్రలో ఉండే భయం, టెన్షన్‌లను ప్రేక్షకుడికి బాగా కనెక్ట్ అయ్యేలా చేసింది. ఇక మిగిలిన నటీనటులందరూ తమ పాత్రలకు న్యాయం చేశారు. ప్లాట్ చిత్రం ఈటీవీ విన్ ఓటీటీ ప్లాట్‍ఫామ్‍లో స్ట్రీమింగ్‍కు వస్తోంది. జూలై 11వ తేదీన ఈ మూవీని స్ట్రీమింగ్‍కు తీసుకురానున్నట్టు ఈటీవీ విన్ వెల్లడించింది. నేడు (జూలై 9) ఈ విషయాన్ని ప్రకటించింది. దీంతో మరో రెండు రోజుల్లోనే ప్లాట్ చిత్రం ఈటీవీ విన్‍లో స్ట్రీమింగ్‍కు రానుంది.
ప్లాట్ సినిమా కర్నూలులోని ఎమ్మిగనూర్ బ్లాక్‍డ్రాప్‍లో సాగుతుంది. ఈ చిత్రంలో వికాస్ సరసన గాయత్రి గుప్తా హీరోయిన్‍గా చేశారు. సంజీవ్ పసల, కిశోర్, సంతోష్ నందివాడ కీలకపాత్రలు పోషించారు. దర్శకుడు భాను ఈ మూవీని భిన్నమైన సైకలాజికల్ థ్రిల్లర్‌గా తెరకెక్కించారు. డిఫరెంట్ స్క్రీన్‍ప్లేతో మెప్పించారు. ప్లాట్ చిత్రాన్ని కార్తీక్ సేపురు, భాను భావ తార్కక, తరుణ్ విఘ్నేశ్వర్ సంయుక్తంగా ప్రొడ్యూజ్ చేశారు. ఈ మూవీకి కార్తిక్ రోడ్రిగ్జ్ సంగీతం అందించారు. రామన్ సినిమాటోగ్రఫీ చేసిన ఈ చిత్రానికి వినయ్ ఎడిటింగ్ చేశారు. ప్లాట్ చిత్రంలో నటీనటులు తక్కువగానే ఉన్నా.. వారి పర్ఫార్మెన్స్ మెప్పిస్తుంది. ముఖ్యంగా దర్శకుడు భాను కథనాన్ని నడిపించిన తీరు ఇంట్రెస్టింగ్‍గా ఉంటుంది.
